BIBLIESADA I.E.S. ISAAC DÍAZ PARDO

REUNIÓN DO CLUB DE LECTURA O CUBIL DO XABARIL DE 2º ESO

2012-01-24T11:16:00.002+01:00

Lémbrovos a todos e a todas que o mércores día 25 de xaneiro no 2º recreo (12:20h) temos reunión do club de lectura para comezar a falar da obra de Bali Rai Un casoiro ben mal amañado.

Vémonos na biblioteca do centro!

REUNIÓN CLUB DE LECTURA O CUBIL DO XABARIL DE 1º ESO

2012-01-24T11:12:00.004+01:00

Esperámosvos a todos e a todas na reunión do club de lectura que terá lugar o día 24 de xaneiro no 2º recreo (12:20h) na cal elixiremos o próximo libro de lectura.

Non esquezades asistir, que haberá sorpresa!

FALANDO DAS OBRAS... CLUB DE LECTURA O CUBIL DO XABARIL 1ºESO

2012-01-24T11:00:00.005+01:00

O pasado 12 de xaneiro no club de lectura O cubil do xabaril de 1º ESO puxemos en común as obras Os mundos de Coraline de Neil Gaiman e Matilda de Roald Dahl. Velaquí queda unha imaxe da nosa xuntanza:

RECORDANDO A ISAAC DÍAZ PARDO

2012-01-10T11:23:00.006+01:00

Dende a Biblioteca do IES Isaac Díaz Pardo queremos lembrar ao artista plástico, intelectual e galeguista que lle dá nome ao noso centro.

Velaquí unha imaxe do día que estivo na nosa biblioteca e escribiu no noso libro de visitas.

FELIZ NADAL

2011-12-21T11:27:00.001+01:00

Dende a biblioteca do IES Díaz Pardo de Sada queremos desexarvos un Bo Nadal!

25N Día Contra a Violencia de Xénero

2011-11-25T15:34:00.004+01:00

Samaín 2011

2011-11-07T20:13:00.000+01:00

Visita á Biblioteca Rialeda en Oleiros

2011-11-07T19:51:00.001+01:00

Samaín 2011

2011-11-02T21:04:00.004+01:00

Xa chegou o outono fai algún tempo, nótase o frío polas rúas, anunciando o non tan
afastado xa inverno. A xente xa non sae tanto da súa casa, non hai tanta xente como no
verán polas rúas e prefírense lugares cómodos e quentes. Neste ambiente, o 31 de
outubro producirase unha das festas máis coñecidas do ano, o Halloween, celebrada de
xeito distinto en cada país. Para uns é sinónimo de ritos e crenzas ancestrais, de
adoración aos defuntos, para outros, unha festa na que os disfraces, doces e o terror é
a espiña dorsal desa noite; unha festa sacra e unha festa comercial.

Se queres saber máis cousas pincha no seguinte enlace, con actividades, xogos, películas, debuxos, etc

http://sites.google.com/site/recursosparaosamain/

Pásao de medo na biblio

2011-11-02T20:59:00.003+01:00

O meu amigo Cali, pantasma do IES Isaac Díaz Pardo , venme de convidar a unhas Sesións Terroríficas de Lecturas que sei que están a organizar os MQs. A cita é o mércores e xoves na biblioteca do instituto e seica cada clase vai contar relatos de terror e misterio . Imprescindible invitación. Eu xa teño a miña, e vós?

Conseguirán meterme medo a mín ou, pola contra, serei eu quen os asuste, JAJAJAJAJAJAJAJAJA (léase riso sinistro).

Visita á Casa-museo Emilia Pardo Bazán e ao Arquivo do Reino de Galicia

2011-10-20T19:13:00.004+02:00

Como cada anos continuamos coas visitas ás bibliotecas da comarca. Os alumnos de 1º de Bacharelato foron ver o Arquivo de Reino de Galicia, e aproveitando a visita á Cidade Vella tamén estiveron vendo a Casa-museo de Emilia Pardo Bazán, onde lles explicaron as condicións de vida das mulleres do século XIX.

Rapaces do século XXI encorsetados como a sociedade do XIX encorsetaba ás mulleres.

Unha das cousas que´máis chamou a atención no Arquivo foi o proceso de restauración do papel.

persepolis

2011-10-16T10:21:00.000+02:00

Visita á Biblioteca González Garcés

2011-10-16T10:04:00.004+02:00

Como cada ano iniciamos o curso coas visitas ás bibliotecas públicas. O día 11 de novembro tocounos a nós, os de terceiro da ESO, e leváronnos á Biblioteca González Garcés, onde nos ensinaron todas as salas da Biblioteca: onde se gardaban os fondos, as salas de estudo a hemeroteca e a sala de audiovisuais.
Tamén vimos unha exposición sobre Castelao, na que se conmemora o 125 aniversario do seu nacemento. O que máis nos chamou a atención foron os libros que tiñan nas vitrinas entre eles unha versión ao esperanto de Retrincos.

Inicio dos clubs de lectura

2011-10-09T10:20:00.005+02:00

Este ano volvemos coas lecturas nos clubs de lectura O cubil do xabaril e A cova céltica. Podes unirte a eles, xa fixemos unha primeira reunión na que decidimos os libros a ler: As lágrimas de Shiva, Un casorio ben mal amañado e After Dark.
Se che apetece ler e logo comentar con nós calquera deles pásate pola Biblio, e colle o libro e infórmate da próxima reunión.

Formación de usuarios

2011-09-30T15:41:00.003+02:00

Aquí temos unha serie de actividades para coñecer máis a biblioteca, como se organiza e como buscar os libros. Grazas ao traballo do CEIP de Pedrouzos.
Pincha neste enlace e a ver se consigues acertar todo.

http://www.edu.xunta.es/centros/ceipdepedrouzos/aulavirtual/course/view.php?id=28

Estamos de volta

2011-09-26T19:14:00.002+02:00

Anímate a subir á biblio, xa sabemos que está un pouco lonxe, pero tentaremos facer novas actividades para todos. Podes levar os libros de lectura, consultar material para algún traballo, ler a prensa ou consultar os ordenadores ...
Ademais como xa sabedes Marisa xubilouse e por iso necesitamos colaboradores que nos axuden.
Pásate pola BIBLIO.

Lecturas para as vacacións

2011-06-13T21:06:00.002+02:00

Estamos preparando xa os libros para o club de lectura do próximo curso, se no verán vas adicar algún tempo a ler, aquí tes algúns títulos.

Salvando libros

2011-05-30T22:15:00.000+02:00

Dende a Asesoría de Bibliotecas Escolares xurdiu esta iniciativa de Salvar un libro. Cada centro escollía un libro e memorizaba un fragmento. Despois de recopilalos todos e cunhas preciosas ilustración fixeron esta bonita exposición dixital.

Open publication - Free publishing - More carteles

Fotos Expotaku 2011

2011-05-23T23:09:00.003+02:00

Nestes enlaces poderás informarte sobre el lolita, as bonecas xaponesas e cómics, libros e cultura xaponesa.

http://www.flickr.com/groups/bonecaz/

http://librariaendo.blogspot.com/

http://lapizypapel.es/lolita/

Expotaku 2011 A Coruña

2011-05-22T09:29:00.001+02:00

A feira de amantes do manga e o anime Expotaku aséntase no calendario cultural da cidade. Na súa segunda edición incrementou o público da primeira con máis de 5000 asistentes.
Había todo tipo de ramificacións do mundo otaku. Karaokes en xaponés, exhibicións de baile para para, torneos de videoxogos xaponeses, demostracións de cover dance, conferencias sobra a orixe da moda lolita e moitas actividades complementarias ademais de moitos cosplayers, persoas que se disfrazan como os seus heroes de cómics, videoxogos e series de anime.
Ademáis houbo varias conferencias sobre a historia de Xapón, o debuxo manga e proxeccións de films xaponeses en versión orixinal.
“Paseino moi ben unha das cousas que máis me gustaron foros as lolitas e a roupa preciosa que traen de Xapón. Ademais do bo ambiente que había entre todos, a xente facéndose fotos cos cosplayers, xogando nas competicións de videoxogos, as coregrafías de baile... en xeral, todo. Espero volver o próximo ano” Ana

Expotaku 2011 A Coruña

2011-05-16T23:39:00.002+02:00

A fin de semana do 20 ao 22 de maio terá lugar a segunda edición de Expotaku na Coruña o segundo salón do manga de Galicia organizado por Movemento Xove. Este salón repite espazo no Recinto Ferial Expocoruna

Por un módico prezo podedes asistir a multitude de obradoiros, cursos, participar en concursos e proxeccións. Lembrade que para moitos de esas actividades tedes que inscribiros previamente no foro da organización.
Programa

Lois Pereiro 2011. Os nosos murais

2011-05-14T09:51:00.005+02:00

O Día das Letras Galegas deste ano 2011 está adicado ao poeta monfortino Lois Pereiro. O Equipo de Dinamización Lingüística do IES Isaac Díaz Pardo promoveu entre o alumnado a elaboración destes murais en conmemoración desta data.

Luis Ángel Sánchez Pereiro, máis coñecido como Lois Pereiro, nado en Monforte de Lemos o 16 de febreiro de 1958 e finado na Coruña o 24 de maio de 1996, foi un escritor e poeta galego. No ano 2011 dedícaselle o Día das Letras Galegas.
Naceu en Monforte de Lemos, de familia procedente do Incio. Estudou no colexio dos Escolapios, e comezou a escribir con 15 anos. Tras rematar o COU marchou a Madrid, onde comezou Ciencias Políticas e Socioloxía. Logo dunha estancia en Monforte traballando na empresa familiar, adicada ao vidro, regresou a Madrid para estudar lingua inglesa, francesa e alemá. Alí fundou a revista Loia xunto a Antón Patiño, Manuel Rivas e o seu irmán Xosé Manuel Pereiro.

Cara a 1981 marcha a vivir á Coruña, onde se une á revista La Naval. Neste periodo entrou en contacto cun grupo de poetas entre os que figuraban Xavier Seoane, Francisco Salinas Portugal ou Xulio Valcárcel, participando en varias antoloxías coma De amor e desamor (1984) e De amor e desamor II (1985), e colaborando en revistas como La Naval, Trilateral, Anima+l e Luzes de Galiza. Esta última publicaría en 1997 os oito capítulos da novela corta Náufragos do Paradiso.
En 1983 e 1987 viaxou canda Fernando Saco por Europa. Traballou como tradutor do alemán, francés e inglés de dobraxe de cinema e, sobre todo, de televisión .
Publicou dous poemarios en vida, Poemas 1981/1991 (1992) e Poesía última de amor e enfermidade (1995). No 1996, ano da súa morte, saíu á luz Poemas para unha Loia, que recolle obras da época madrileña, publicadas na revista Loia, e que inclúe o ensaio Modesta proposición para renunciar a facer xirar a roda hidráulica dunha cíclica historia universal da infamia, publicado no nº 27 de Luzes de Galiza.
Canto das causas da morte de Pereiro, malia estar daquela enfermo de SIDA, foron un cúmulo de doenzas que remataron cunha insuficiencia hepática. Oficialmente e segundo unha sentenza da Audiencia Provincial de Lugo, logo dun preito para que o Estado pagase o enterro, o motivo do seu pasamento foi unha intoxicación por aceite de colza desnaturalizado.
O 26 de xuño de 2010 a RAG publicou a súa decisión de adicarlle o Día das Letras Galegas do 2011. A Academia apreciou:
"Evidentes pegadas expresionistas, referencias á literatura xermánica e certos trazos de contracultura [...] unha imaxe e unha estética que fixeron del un autor de culto. Cartografou coma ninguén o labirinto do mundo contemporáneo conciliando para tal fin o individualismo escéptico coa tradición demoledora do expresionismo centroeuropeo."
En palabras do escritor e membro da RAG Manuel Rivas:
"Adicarlle a Lois o Día das Letras 2011 foi unha decisión valente da Academia, porque é un autor de culto, pero en canto se difunda a súa obra será un autor moi popular".

If Rudyard Kipling

2011-05-08T08:20:00.003+02:00

IF é un dos poemas máis difundidos e inspiradores da literatura anglosaxona. O seu autor é Rudyard Kipling. Atopei este vídeo sobre o poema no que a tipografía e la voz son os dous elementos máis importantes.

Gañadores da Olimpíada do Saber 2011

2011-05-03T22:18:00.005+02:00

O luns no segundo recreo a directora Rosario Vázquez Mourín fixo entrega dos premios aos gañadores na Olimpiada do Saber, que estivo moi disputada e contou coa participación de moitos grupos. Houbo premios para todos tanto económicos como a entrega de entradas para o cine
O grupo gañador foi "As Barbie´s" formado por Itziar García Monfort, Raquel Vázquez Presas, Zoé Santiso González e Sara Sande Caamaño.
Noraboa a tod@s e ánimo para o próximo ano.
Aquí está as fotos da entrega de premios.

Visita da escritora Lola Gándara á nosa biblioteca

2011-05-02T00:22:00.004+02:00

o pasado mércores día 27 coincidindo coas celebracións do día do libro estivo visitándonos e charlando con nós Lola Gándara, autora do libro Alexandra. Estivo conversando sobre o seu labor como escritora e preguntounos a nosa opinión sobre o seu libro. Ó final asinounos o seu libro.

A min pareceume moi interesante, eu esperaba que só ía falar ela, pero resultou moi simpática e moi boa, porque nos deixou falar a nós e dicir o que nos parecía o libro" Sara López

" A charla pareceume moi entretida, explicounos o final do libro. Contounos que traballou nun colexio e por iso algunhas das súas novelas están relacionadas cos rapaces. Gustoume moito a súa forma de ser e a súa maneira de expresión" Christian Gil Monzo

" Gustáronme moito as anécdotas que contou: o dos alcumes dos profesores e as cousas que se facían no colexio e que non sabían os profesores. Eu penso qu está ben ser escritora e ter a experiencia de ser directora dun colexio porque como a ela lle pasou podería orientar un deses libros ás historias que pasan nun colexio" Sara Álvarez

" A charla pareceume moi entretida aínda que algo longa. A verdade é que non me imaxinaba a charla tal e como foi, imaxinábaa dunha maneira diferente como ao grande, pero gustoume moito" Santiago Vicos

" A charla gustoume, pero pareceume que extendía moito as respostas e por iso non nos deu tempo a facer máis preguntas" María Álvarez

"É unha persoa agradable e moi alegre, tamén falou cando fixo un guión para a televisión" Adonay Zuloeta

"Pareceume entretida porque era simpática .Unha cousa que non entendo e que ao facerlle preguntas aos famosos nunca te responden a esa pregunta e vanse polas ramas. Porque eu fíxenlle unha pregunta e quedei coa intriga.Pero, en xeral, a charla estivo moi ben" David Puente

"Lola Gándara é unha muller de cor pálida. A súa cara é afiada e alongada. Ten uns pequenos ollos, un nariz picudo ...Leva posto unha camisa laranxa facendo xogo cos seus zapatos de cor branca con flores azuis, laranxas e rosas, un pantalón negro. Ten dous aneis nunha man e un na outra. As uñas da man están pintadas de cor vermello, da mesma cor ten os pendentes que leva postos nas orellas… Ten un carácter risoño, é simpática, amable, agradecida, e dicir, unha persoa marabillosa”
Lucía Díaz 1º ESO B

Carteis Fomento da Lectura. Día do Libro 2011

2011-04-26T21:45:00.003+02:00

Os colaboradores da Biblioteca CEIP Mestres Goldar elaboraron este video no que se recopilan moitos carteis de fomento da lectura. Noraboa por este interesante traballo .

Feliz Día do Libro 2011!

2011-04-26T21:24:00.004+02:00

Como o Día do Libro coincidiu coas vacacións, nalgúns lugares atrasaron esta celebración para o día 27. Nós sumámonos a esta idea e hoxe para celebrar este día vén visitarnos Lola Gándara, autora de libros como Alexandra ou A escura luz do Tíber.

Unha boa nova para a literatura galega

2011-04-26T21:04:00.003+02:00

O blogue de GALIX tráenos unha boa nova, que segundo explica, recolle do xornal Galicia Hoxe. Di o que segue:

"Agustín Fernández Paz é seleccionado pola editorial Dalkey Archive Press para figurar na antoloxía dos mellores narradores do mundo.
Agustín Fernández Paz será o primeiro autor galego incluído na Best European Fiction (Mellor narrativa europea) que publica a editorial estadounidense Dalkey Archive Press. Será a terceira entrega desta selección, realizada polo escritor bosníaco Aleksandar Hemon. Fernández Paz aparecerá co conto "Esta estraña lucidez", pertencente ao volume O único que queda é amor, libro que xa lle valera ao autor galego o Premio Nacional e que Jonathan Dunne traduciu ao inglés. Fernández Paz agradécelle, precisamente a Dunne, o feito de entrar nesta antoloxía, e refírese a el como "unha persoa que tanto está a facer pola difusión da Literatura galega". Dunne foi quen o animou a presentar a narración á editorial para a selección, finalmente elixida para un libro que aparecerá en novembro con 15.000 exemplares de tiraxe. "Esta estraña lucidez", engade, é "formalmente máis anovador que outros relatos do conxunto, porque a voz narradora é o fantasma dun can".
Publicado por Asesoría Bibliotecas Escolares

Tertulia A Segunda Guerra Mundial

2011-04-25T22:54:00.000+02:00

ENCONTRO DE BIBLIOTECAS ESCOLARES

2011-04-12T22:05:00.012+02:00

O venres asistín ao Encontro do PLAMBE de Bibliotecas escolares nos que se reúnen máis de trescentos centros para poñer temas en comun e compartir experiencias. Este ano estaban centradas no mundo do cómic e do cine, super interesante. A organización, foi fantástica , e @s poñentes tamén. Canto traballa a xente!!!! O ambiente entre os asistentes, as reunións dos grupos de zona... todo estivo perfecto!! Parabéns Cristina e Pilar polo voso bo facer!! E para finalizar a xenial conferencia de D. Xosé Neira Vilas que "sempre amosou o seu compromiso con Galicia e a súa mocidade" e que grazas a xente como el "Galicia ten un lugar no mundo". Falou da súa infancia, a súa escola, os seus primeiros libros, a vida na emigración... da súa muller Anisia. Neira Vilas falou as súas "experiencias persoais arredor do libro e a lectura" e por suposto de " Memorias dun neno labrego" do que se está a celebrar o cincuentenario da súa publicación e que supuxo o comezo da literatura xuvenil en galego, "aínda que non fora escrita para nenos". Poderíamos escoitar a Neira Vilas durante horas. En fin, paseino moi ben nestas xornadas e sempre se recollen ideas para levar a cabo na biblioteca.

Podedes ver todas as exposicións do poñentes na páxina de Bibliotecas Escolares de Galicia.

Ou tamén entrando como convidado no espazo moodle dos Encontros, hai ponencias realmente interesantes sobre o cómic e a relación do cine coa literatura e outras áreas.

Anímadevos a entrar.

Día Internacional do Libro Infantil e Xuvenil

2011-04-02T16:31:00.004+02:00

O día 2 de abril celebramos o Día Internacional do Libro Infantil e Xuvenil co fin de conmemorar o nacemento do escritor danés Hans Christian Andersen ( 2 de abril de 1805 ), autor de moitos contos infantís : El soldadito de plomo; La Sirenita; El patito feo; El traje nuevo del emperador...

Open publication - Free publishing - More andersen

Neste video trátase a historia tradicional do conto de Andersen (adaptada por Xavier Senín) pero adiada na animación da man de Virginia Curiá e Tomás Conde. Un traballo de Continental Produccións para o 60 aniversario da Editorial Galaxia.
Todo un despliegue da excelente escola de animación que temos en Galicia, rodado no museo do Xoguete de Allariz.
Unha fermosura!

Indignádevos!

2011-03-29T21:12:00.005+02:00

A historia da vida de Stéphane Hessel é unha fabulosa novela

Ó estalar a Segunda Guerra Mundial, alistase na Resistencia. Detido polos nazis, é torturado e deportado ao campo de exterminio de Buchenwald, de onde trata de evadirse, consigueo usurpando a identidade dun morto . Unese á loita pola liberación de Francia.

Despois da vitoria é enviado a Nova York. Alí participa na redacción da Declaración Universal dos Dereitos Humanos. Os anos máis recentes consagraos a protestar sen descanso contra o trato dispensado aos "sen papeis", aos xitanos, a todos os inmigrantes...

Acaba de publicar este libro, un excepcional éxito editorial e un fenómeno social. Grazas ao boca a boca, e sobre todo, ás novas redes sociais, o texto conseguiu franquear as censuras e encher de esperanza miles de corazons. En só unhas semanas, deste repertorio das inxustizas máis indignantes, xa se venderon máis de 650.000 exemplares... Algo xamás visto. O seu título: unha consigna, ¡Indignaos!

Stéphane Hessel di que a indignación é a pólvora de toda explosión social. Dirixíndose aos seus lectores, recomendalles: "Desexo que atopedes un motivo de indignación. Iso non ten prezo. Porque cando algo nos indigna, convertimosnos en militantes, sentimosnos comprometidos e entón a nosa forza é irresistible".

Os motivos de indignación non escasean: "Neste mundo, di Hessel, hai cousas insoportables": a natureza do sistema económico responsable da actual crise devastadora. "A ditadura internacional dos mercados internacionais" constitue ademais, "unha ameaza para a paz e a democracia". "Nunca, afirma, o poder do diñeiro foi tan inmenso, nunca os fieis servidores de Don Diñeiro se situaron tan alto nas máximas esferas do Estado".

Hessel denuncia a desigualdade crecente entre os que non teñen case nada e os que o posúen todo. Suxire dúas propostas sinxelas: "Que o interese xeral se impoña sobre os intereses particulares; e que o reparto xusto da riqueza creada polos traballadores teña prioridade sobre os egoísmos do poder do diñeiro".

Stéphane Hessel sabe expresar con palabras, o que tantos ciudadán golpeados pola crise e polas medidas de regresión social senten no fondo de sí mesmos. Ese sentimiento de que lles están arrebatando os seus dereitos, eses desexos de berrar, esas ganas de protestar sen saber cómo...

Novo espazo da Biblioteca

2011-03-21T22:03:00.003+01:00

O xoves faremos a inuguración dun novo espazo da Biblioteca. O espazo que antes era unha cafetería e agora imos adicar entre outras cousas ás tertulias literarias do primeiro ciclo da ESO "O cubil do xabaril".
Tamén temos unha actividade preparada relacionada co día de hoxe no que celebramos o Día da Poesía.
Estade pendentes para participar.
Temos que agradecerlle o profesor de Plástica, Fernando Alonso,
o cartel que deseñou en conmemoración deste día.

21 de marzo Comeza a primavera coa poesía de Neruda

2011-03-20T22:55:00.001+01:00

Necesitamos POESÍA

2011-03-20T22:05:00.001+01:00

O 21 de marzo celébrase o Día Mundial da Poesía, unha data que serve para lembrar a importancia da palabra poética, e para espallala. A directora xeral da UNESCO, Irina Bukova, declara:
«A diversidade poética bríndanos outro xeito de dialogar. Permítenos descubrir que todos e cada un de nós, en calquera punto da Terra, compartimos os mesmos interrogantes e sentimentos. É unha faceta da nosa liberdade, é a nosa humanidade. Por iso a poesía debe ocupar o lugar que lle corresponde nos programas de educación de calidade. Mediante o acceso á poética do mundo enteiro, os mozos poden dispoñer dun instrumento máis, diferente, sutil e fluído, para mellorar o seu coñecemento e comprensión dos demais. O descubrimento dun novo poema constitúe un acto de inmersión na lingua, pero tamén na emoción e na sensibilidade do outro, por moi distante que se atope en termos xeográficos.» (Recollido en Bibliotecas Escolares de Galicia)

Día da muller traballadora

2011-03-16T22:21:00.007+01:00

O oito de marzo, celebrouse o día da muller (orixinalmente chamado “día da muller traballadora”). Neste día conmemorase a loita da muller por un oco na sociedade e unha vida digna en igualdade cos homes. Tamén é cando as mulleres de tódolos continentes, a miúdo separadas por fronteiras nacionais e diferenzas lingüísticas, culturais, económicas e políticas, se unen para celebrar o seu Día. É unha tradición de non menos de 90 anos de loita a prol da igualdade, a xustiza, a paz e o desenvolvemento.

Celebra O Entroido 2011

2011-02-28T22:09:00.005+01:00

A partir deste enlace chegarás a moita información sobre o entroido: vocabulario, receitas manualidades,xogos, cazas do tesouro, disfraces, láminas , máscaras,etc.

Pincha no enlace e descubrirás un montón de cousas interesantes e divertidas sobre o Entroido.

http://www.coordinadoraendl.org/2011entroido/index.php

2011-02-28T22:01:00.003+01:00

O Entroido Galego
O Entroido é unha festa popular que ten a súa orixe como indicación da fin do inverno e o comezo da primavera. Nel conflúen rituais cristiáns e pagans, sendo a época na que se poden romper tódalas normas, cambiar de personalidade ou identidade e ironizar sobre as institucións máis asentadas.

O Entroido é unha das festas máis irreverente do calendario galego.

O Entroido é celebrado dende épocas descoñecidas. Non se sabe con certeza a súa orixe, algúns pensan que vén da tradición celta, outros afirman cós comezos desta festa, pódense atopar na adoración a Baco ou Dionisos.

As orixes das palabras que denominan a esta festa son: o termo "Carne Vale"(é dicir "o adeus á carne"), do que despois derivou a palabra "Carnaval"; ó termo "Introitum"(que significa "a entrada á Coresma") do que vén a palabra "Entroido"ou "Antroido".

Os entroidos máis famosos son os celebrados en Ourense e Lugo. Laza, Verín e Xinzo convértense por uns días nas capitais de Galicia.

Entre os chamados "ritos de grupo" pódense citar:

Os Cigarróns que son personaxes enmascarados e adornados (coma en Verín), as Pantallas que amolan ós viandantes con dúas vexigas cheas de aire (moi común no Entroido de Xinzo da Limia).

Os Peliqueiros (coma en Laza), personaxes que se distinguen pola súa animalización: non falan, levan chocas coma os animais, zorregan á xente e levántanlle a saia ás mulleres, animais como pode ser unha vaca, o burro ou o galo, xa sexa reais ou simulados simbolizan o Entroido en si e interveñen na festa, ben para ser burlados e escarmentados, ben para actuar activamente facendo falcatruadas

. Os festexos máis importantes son:

Domingo Fareleiro ou Borrallento: coincide co domingo de septuaxésima, e nesta da é costume que os veciños se manchen uns ós outros con borralla ou farelo, a fariña de peor calidade.

Xoves de Compadres: neste día realízase unha tradicional pelexa entre sexos. As mozas fabrican un boneco ou varios bonecos que representan os homes e tentan queimalo, mentres os mozos loitan por llo roubar.

Domingo Corredoiro ou Oleiro: nesta data realízanse celebracións moi diferentes segundo os lugares. Tradicionalmente era cando se facía a corrida do do galo, en Laza lánzanse formigas enriba da xente e faise a farrapada, loita con farrapos enchoupados en lama ou esterco. Na Praza Maior de Xinzo celébrase o xogo das olas, en que os participantes se pasan olas de barro, e a aquel que lle rompa debe pagar unha rolda.

Xoves de Comadres: ó reves do de Compadres, son os homes os que fan un ou varios bonecos con feitura de muller e son estas quen loitan por llelo sacar.

Santo Entroido
Domingo de Entroido
Luns de Entroido
Martes de Entroido: en moitos lugares celébranse os Testamentos do Entroido e entérrase a representación da festa.
Domingo de Piñata

¡¡¡Tempo para a diversión e para o bo xantar... nestas festas non pode faltar o lacón con grelos, a androlla, as chulas, as orellas ou as filloas!!!

Día de Rosalía 24 de febreiro

2011-02-23T11:27:00.004+01:00

Cada 24 de febreiro lembramos o nacemento de Rosalía de Castro, poetisa sen par e unha das nais indiscutibles da nosa lingua nai.
Ler a súa obra e manter vivo en cada un de nós o seu compromiso coa lingua e coa paisaxe deste anaco de mundo que chamamos Galicia é unha das mellores maneiras de renderlle homenaxe.

Neste enlace atoparás toda a información sobre Rosalía, ademais de moitas fotos antigas moi interesentes para coñecer os lugares nos que viviu ou que influiron na súa obra.

http://www.rosaliadecastro.org/

Concurso de Tarxetas de San Valentín

2011-02-22T13:22:00.006+01:00

O pasado dí 15 de febreiro reunido o xurado, formado a tal fin, decidiu por unanimidade asignar o primeiro e único premio á alumna de 1º da ESO B, Nuria Vázquez Álvarez.

É o amor un mito?

2011-02-09T22:25:00.004+01:00

Na antigüidade, os mitos ofrecían un tipo de resposta similar á que hoxe en día nos proporcionan as teorías científicas; mentras estas nos explican feitos pola relación entre conceptos experimentais, as culturas arcaicas explicabanos a través de relatos de deuses e heroes; estes relatos son os que coñecemos co nome de mitos.
Existen numerosos mitos sobre o amor, pero os máis coñecidos son os de Orfeo e Eurídice , e Cupido e Psique, procedentes da mitoloxía clásica, que é a máis proxima a nós . Neles podemos ver reflexados moitos aspectos do amor.
O mito de Orfeo é un dos máis escuros e máis cargados de simbolismo de cantos rexistra a mitoloxía helénica. A historia máis coñecida sobre Orfeo é a que se refire á súa esposa Eurídice.

Orfeo e Eurídice
Un día, cando Eurídice paseaba cerca de Tempe, no val do río Peneo, atopouse con Aristeo, quen tratou de forzala. Na súa fuxida pisou unha serpe e morreu a consecuencia da mordedura. Despois de chorala moito, Orfeo descendeu valentemente ao Tártaro esperando recuperala e levala de volta. Utilizou o pasadizo que se abre en Aorno, en Tesprótide, e a súa chegada no só encantou ao barqueiro Caronte, ao Can Cerbero e a os tres xuíces dos mortos coa súa melancólica música, se non que conseguiu que se suspendesen temporalmente as torturas dos condenados.
Deste modo amoleceu o duro corazón, e díxolles que o motivo da súa viaxe era a súa esposa, a cal morrera a causa da mordedura dunha víbora que lle roubara os seus prometedores anos. El suplicoulles que deixasen marchar a Eurídice, se non quedarían coa súa vida tamén. Estes concedéronlle a súa petición cunha única condición: que Orfeo non mirara atrás ata que ela estivese a salvo baixo a luz do Sol. Eurídice seguiu a Orfeo polo escuro pasadizo guiada polos sons da súa lira, pero cando chegaron a onde xa había luz solar el volveuse para comprobar se ela o seguía, e entón perdeuna para sempre.

O mito de Cupido e Psique

O mito afirma que un famoso rei tiña tres fermosas fillas da que Psique era de lonxe a máis bela, a gloria da súa beleza difundírase por toda a terra e moitos chegaban á cidade onde vivía Psique para apreciar a súa fermosura ata o punto de esquecer celebrar sacrificios por Venus e arruinarse os seus templos. Venus como vinganza decidiu castigar a Psique, chamou a seu fillo Cupido amosoulle a súa beleza e suplicoulle que vingase a súa fermosura insolente facendo que quedara posuída polo amor abrasador do último dos homes.
Entrementres, Psique sentíase moi desafortunada, porque todos admiraban a súa beleza pero ninguén se presentaba como pretendente para casar. Seu pai acudiu ao Oráculo do deus de Mileto sospeitando dunha maldición, Apolo respondeulle que Psique, levando roupas fúnebres debía ser levada a unha rocha dun monte alto para ser recollida por un monstro cruel e fero. Os infelices pais cumpren a vontade do oráculo e acompañados dun gran cortexo deixan a Psique na rocha, de súpeto un golpe de vento levouna a un val na pendente da rocha, onde había un marabilloso palacio habitado por espíritos invisibles. Psique obtén do seu marido invisible a promesa de ver as súas irmás coa condición de non se interesar pola súa apariencia. Pero as irmás mostran envexa da felicidade e das riquezas de Psique e entón suxírenlle á irmá que xa está empreñada dun deus que colla unha lampada para ver o rostro do seu marido que elas teiman en dicir que é unha serpe velenosa á que lle debe cortar a cabeza. Psique alumea o rostro do seu marido durmido e ve o máis adorable e doce de todos os rostros, o de Cupido, este ao espertar e ver a súa fe totalmente traizoada saiu voando sen dicir unha soa palabra pero non puido impedir que Psique apreixara a súa perna dereita voando por un momento con el, tras caer Cupido cóntalle que desobedera á súa nai para facela a súa esposa, castigando a Psique pola súa falta de confianza coa súa marcha. Psique láiase tristemente da súa sorte, o deus Pan trata de consolala.
Psique víngase das súas irmás e vai na procura de Cupido, desamparada entrégase a Venus quen a somete a unha serie de probas, finalmente consegue a axuda de Xúpiter quen legaliza os amores de Psique e Cupido concedéndolle a inmortalidade á rapaza.

O amor ó longo da historia a través dos libros

2011-02-07T22:49:00.002+01:00

Na biblioteca está posta unha pequena selección de libros de amor. Sube, ao mellor atopas algún que che poida intreresar.
Aquí aparecen algúns deles.

Un flipbook apropiado para este días

2011-02-03T22:54:00.002+01:00

Concurso de tarxetas San Valentín. Bases.

2011-02-03T22:09:00.004+01:00

Estas son as bases do noso concurso: Fai unha postal de tamaño máximo cuartilla, cunha ilustración libre (debuxo, pintura, collage, foto, etc.) cun texto alusivo ao tema en calquera lingua. Haberá dúas categorías. Importante: entregar en conserxería, dentro dun sobre indicando os datos persoais: nome, curso. A data tope é o venres 11 ás 14.20.

O amor vive nas palabras

2011-02-03T21:52:00.007+01:00

O AMOR VIVE NAS PALABRAS

¿Namorácheste algunha vez? ¿Viches a dous namorados? Se non tiveches o pracer de velo, segue lendo e o experimentarás. Non nos facemos cargo dos efectos que che poida causar. Podes acabar cos ollos “pegados” ao libro. ¡Adiante, escollemos algúns dos libros máis románticos da historia!

O amor nos tempos do cólera (Gabriel García Márquez)

Hai dúas historias nese libro. Unha delas trata dun amor secreto que remata na morte elexida por un home que quixo poñerse a salvo “dos tormentos da memoria”. A outra historia é a dun amor que fai destes tormentos o seu alento, un amor acechado polo inimigo: o deterioro físico, a vellez, a morte, pero que é capaz, non só de resistilos, senón tamén de transformalos no impulso do desexo.
A idea principal da obra basease no círculo amoroso que existía entre tres persoas que levou a situacións incómodas pero tamén a moitas satisfaccións. A obra desenvolvese nunha época onde só existían dúas clases, a alta e a pobre, e a maioría dos personaxes tanto principais como secundarios pertencían á clase alta e vivían sobreprotexidos pola sociedade rica na que se desenvolvían.

Resistencia (Rosa Aneiros)

Resistencia percorre a historia política e social de Portugal, a través da vida de personaxes pertencentes a varias xeracións, desde os anos vinte ata os anos noventa do século XX. Mercé ao relato que protagonizan os personaxes principais -Dinís e Filipa- artéllase un percorrido centrado na represión exercida en Portugal durante as dictaduras de Salazar e Marcelo Caetano e na actividade da resistencia clandestina antifascista; un pano de fondo fundamental entretecido co relato dun bo número de historias de amor, entre as que salientan a de Dinís -un obreiro da fábrica de vidro Irmáns Stephen- e Filipa -filla dun rico comerciante de Coimbra-. Dinís e Filipa namoran perdidamente sen calibrar as consecuencias. A vida dos amantes viuse marcada polas adversas circunstancias políticas que desangraron Portugal ata a Revolu-ción dos Caraveis. Para os protagonistas a militancia política non foi unha opción senón unha esixencia e tiveron que pelexar contra a miseria e contra os seus propios sentimentos. E loitaron desesperadamente coa única arma da que dispuñan: a resistencia.

Como auga para chocolate (Laura Esquivel)

Tita e Pedro amanse. Pero ela está condenada a permanecer solteira, coidando a súa nai ata que esta morra. E Pedro, para estar cerca de Tita, casa coa irmá dela, Rosaura. As receitas de cociña que Tita elabora marcan o paso das estacións da súa vida, sempre marcada pola presente ausencia de Pedro.
Como auga para chocolate é unha agridulce comedia de amores e desencontros, unha obra chispeante, tenra e pletórica de talento, que se convertiu nun dos maiores éxitos da literatura latinoamericana.

Romeo e Xulieta (William Shakespeare)

Romeo e Xulieta é unha das obras máis populares de Shakespeare; a desgraciada historia dos amantes de Verona transcendeu á literatura.
No medio da loita entre familias rivais, dous personaxes xuvenís viven un amor tan apaixonado como imposible. A reconciliación chegará tarde, cando xa se produciu a traxedia.
A traizón, a lealdade, o odio, os ciúmes, a paixón, son algúns dos temas que William Shakespeare expresou no seu libro permitindo aos seus personaxes a libertade de elexir entre os camiños posibles, para logo darse conta das consecuencias do elexido.
Escrita en cinco actos, Romeo e Xulieta expresa de modo insuperable o mito do amor romántico arquetípico na civilización moderna.

¿Gustouche? Pois xa sabes ¡a por eles!. Estes libros supuxeron unhas historias de amor que pasaron á Historia. O amor tamén vive nas palabras

Concurso Tarxetas San Valentín 2011

2011-02-01T21:52:00.004+01:00

Participa.
Elabora unha tarxeta, pero non esquezas engadirlle un texto. Aquí tes algún exemplo. Pero procura ser orixinal. Vai pensando a idea.
Nos próximos días poñeremos as bases.

Club de lectura. Ollos de auga. A praia dos afogados

2011-02-01T21:37:00.004+01:00

Anímate e participa.
Retomamos o club de lectura, e seguro que moitos de vós tedes lido unha destas novelas de Domingo Villar. Esperámoste este xoves ás 4.30 coas túas opinións, críticas e comentarios da obra.

Recomendación dun compañeiro do noso club de lectura

2011-01-30T21:20:00.005+01:00

Ola, eu son Yago Vicos, de 1º da ESO .
Eu lin un libro chamado Harry Potter e a pedra filosofal.
Este libro gustoume moito, é unha historia de aventuras moi interesante.
Esta historia trata sobre un neno orfo que descobre que é un mago, e de alí, xorden as aventuras.
Coñece tamén alí a un neno e unha nena, e que máis adiante, fanse moi bos amigos os tres.
Seguro que todo o mundo viu esta película, pero asegúrovos que o libro está moito mellor.

Harry Potter e a pedra filosofal é a primeira novela da saga Harry Potter escrita por J. K. Rowling e que ten como protagonista a Harry Potter, un mozo meigo. O libro describe como Harry descobre que é mago e como comeza os seus estudos na Escola Hogwarts de Maxia e Feiticería á par que vai coñecendo o seu verdadeiro pasado agochado polos seus tíos e frustra un intento de volver do Señor Escuro, Lord Voldemort, o autor dos asasinatos dos seus pais e que intentara matar a Harry cando tiña un ano.
O libro saíu á venda o 30 de xuño de 1997 publicado por Bloomsbury no Reino Unido e no mes de xaneiro de 2003 en Galicia pola Editorial Galaxia

Lecturas pola paz. Recomendacións para todos

2011-01-30T21:07:00.001+01:00

Día da Paz. Por que o 30 de xaneiro?

2011-01-27T17:23:00.004+01:00

Cada ano, dende 1964, o día 30 de xaneiro celébrase o Día Escolar da No violencia e a Paz en conmemoración do día da morte de Mahatma Gandhi, o home que coa súa loita pacífica e as súas accións de non-violencia, conseguiu que a independencia da India, o seu país natal, se fixese realidade. Tamén se conmemora a morte doutro pacifista, Martin Luther King, que foi asasinado ao igual que Gandhi e do que aprendeu que a resistencia pacífica era a arma máis potente en mans dos oprimidos que loitaban pola súa liberdade. Os americanos escolleron o 15 de xaneiro, día do seu nacemento en 1929 como o día de Luther King.

Mahatma Gandhi (Mahatma, do sánscrito "grande alma"), nado en Porbandar (Guxarat) o 2 de outubro de 1869 e finado en Nova Deli o 30 de xaneiro de 1948, foi un dos ideólogos e fundadores do moderno estado indio e un influente defensor do Satyagraha (principio da non agresión, forma non violenta de protesta) como un medio de revolución.
Gandhi axudou a liberar a India do goberno británico. O principio do satyagraha, frecuentemente traducido como "o camiño da verdade" ou "a busca da verdade", tamén inspirou xeracións de activistas democráticos e antirracistas, incluíndo Martin Luther King e Nelson Mandela. Frecuentemente Gandhi afirmaba a simplicidade dos seus valores, derivados da crenza tradicional hindú: verdade (satya) e non violencia (ahimsa).
O dia 30 de xaneiro de 1948, Gandhi foi asasinado a tiros, en Nova Delhi.

Club de lectura O cubil do xabarín

2011-01-26T22:22:00.003+01:00

Ola a todos: despois de ler Cando Hitler roubou o coello rosa, que nos aportou a visión infantil da protagonista do éxodo xudío a través de Europa, retomamos o noso club co libro As bágoas de Shiva, na que os protagonistas atoparán as claves dun misterio familiar.
Anímate vén a biblio o xoves no 2º recreo, e participa coas túas aportacións.

DÍA DA PAZ 2011

2011-01-25T21:56:00.003+01:00

Nestes tempos nos que andamos, a celebración do Día da Paz é unha data importante para fomentar a educación en e para a concordia, a tolerancia, a solidariedade e o respecto aos dereitos humanos.

Aquí podedes atopar varios recursos para traballar nas aulas e, tamén, fóra de elas.

Agardamos que vos sexan útiles

CONTRA VENTO E MAREA. Xogo moi interesante en liña de ACNUR-UNHCR . Convértete nun refuxiado neste xogo virtual.

- UNICEF PARA NENOS E NENAS: xogos, dereitos dos nenos, escribir e ler contos...

Este link é moi interesante para analizar o Guernica, nos seus detalles e personaxes.

Os libros e a súa vida secreta na nosa biblio

2011-01-23T23:28:00.001+01:00

Recomendacións dalguns compañeiros do club de lectura

2011-01-21T21:41:00.002+01:00

O xoves reuniuse o club de lectura. Alguns dos seus participantes recomendaronnos algúns libros.

Sara recomendounos Ghost Girl.

Charlotte Usher sentese prácticamente invisible ata que un día o é de verdade. Peor aínda : está morta. E todo por culpa dun osiño de goma. Pero a morte non impide que Charlotte siga co seu plan. Todo o contrario, volve moito máis creativa e fará calquera cousa por conseguir o seu obxetivo: ser popular para seducir ao mozo que ama.

Lara recomendounos El mundo de Harriet de Diane Janney.
Harriet Rose, como calquera adolescente, é inxenua, cre saber moito e vive coa sensación de ter algo importante que dicir. Pero a diferencia dos mozos da súa idade, ten por heroe ao filósofo Marco Aurelio, que lle inspira a escribir as súas propias reflexions sobre a vida. A súa nai e a súa avoa conseguiron publicar unha recopilación das súas meditacions. A sorpresa chega cando os medios de comunicación empezan a interesarse por esta rapaza e Harriet convertese en toda unha celebridade.

Lucía falounos de El tesoro del barco fantasma de Alfredo Gómez

Nico e Marga foron a Lisboa, onde pensan pasar uns días en compaña duns amigos. Pero a extraña desaparición destes será o comezo de multitude de aventuras, tanto en terra como en alta mar. A búsqueda dun antiguo barco afundido poñeraos sobre a pista de algo sorprendente..

Andrea recomendounos Cazadores de sombras de Cassadra Clare

Cazadores de sombras é o título da triloxía que se inicia con Ciudad de hueso: unha fantasía urbana poboada por vampiros, demos, homes lobo, fadas, auténtico romance e acción explosiva. Este xénero está claramente en alza.Unha historia oscura de amor e demos, que atrapará a todos.
No Pandemonium, a discoteca de moda de Nueva York, Clary segue a un atractivo mozo de pelo azul ata que presencia a súa morte a mans de tres mozos cubertos de extrañas tatuaxes. Desde esa noite, o seu destino unese ao deses tres cazadores de sombras, guerreiros adicados a liberar á terra de demos e, sobre todo, ao de Jace, un mozo con aspecto de anxo e tendencia a actuar como un idiota…

María falounos de El libro del cementerio de Neil Gaiman

Escoitade esta tráxica historia: unha familia que dorme, un asesino sen compaixón e unna criatura aventureira, un orfo que escapa da morte. ¿Ou non?
O pequeno escapa do perigo e consegue fuxir ata o máis alto do cume. Detrás existe un lugar oscuro e tranquilo, un cemiterio cheo dunha vida especial. O neno sen pais, sen lugar no mundo, sen nome, será acollido polos espíritus amables, que fan un pacto para protexelo. Chamarano Ninguén, porque non se parece a ninguen mais que a sí mesmo. Pero hai un home que o busca para matalo.

E tamén de Los mundos de Coraline
O día despois de que se mudaran, Coraline foise explorar… Cando Coraline atravesa unha das portas da casa nova da súa familia, atopa que hai outra casa extrañamente similar á súa. Ao principio, todo parece marabilloso: a comida é máis saborosa que a de casa….Pero resulta que hai outra nai que vive aí, e outro pai, e queren que Coraline quede con eles e se convirta na súa pequena. Queren cambiala e non deixala ir xamais. Coraline terá que enfrentarse a eles con todo o seu inxenio.

Alejandro leu Nun Lugar chamado guerra de Jordi Sierra i Fabra

Unha novela sobre a amizade, pero tamén unha descarnada mostra de cómo viven na actualidade millóns de rapaces e rapazas víctimas da guerra e dos éxodos masivos.
Néstor Pujalte, xornalista de vintecatro anos, é enviado a informar sobre a guerra que ten lugar na república exsoviética de Tudzbestán. Alí coñece a Milo, un rapaz que lle serve de intérprete e co cal establece unha relación de utilización mutua que acabará converténdose nunha verdadeira amizade.

Nuria leu La niña de la Sexta Luna

Nina é unha rapaza algo especial: na súa man dereita ten unha mancha en forma de estrela...E unha marca de nacemento que a sinala entre os elexidos para entrar no mundo da maxia e a alquimia. Ao morrer o seu queridisimo avo Misha en circunstancias moi misteriosas, Nina viaxa a Venecia, onde recibe o encargo de salvar a Xórax, a Sexta Lua: o mal , representado polo terrible conde Karkon , ameaza este lonxano planeta onde van confluir os pensamentos de todos os nenos. Xunto aos seus novos amigos Cesco, Flor, Roxy e Dodo vivirá grandes aventuras viaxará ao pasado, enfrentarase con malvados androides e irá aprendendo cómo converterse nunha grande alquimista.

Novo ano 2011. Animádeos a participar nas actividades da biblio

2011-01-16T21:51:00.002+01:00

Neste ano 2011 comezamos outra vez as actividades da biblioteca e clubs de lectura nos que podedes participar todos, pouco traballo vos costará agarrar lápiz, bolígrafo ou teclado e argallar por escrito unha opinión , recomendación dalgún libro ou comentario ou frase alusiva a algún tema que vos pareza interesante

Co gallo da proximidade do DÍA DA PAZ E NON VIOLENCIA , a BIBLIOTECA quere saber o que pensas sobre esta data.
Contamos contigo para a realización de:

CARTEIS
FRASES CREATIVAS
PEQUENOS POEMAS
COLLAGES
CALIGRAMAS
ACRÓSTICOS
OU CALQUERA OUTRA IDEA INNOVADORA QUE TI QUEIRAS APORTAR...

Podes asinar o teu traballo co teu nome ou cun pseudónimo.

A CAMBIO DAS TÚAS APORTACIÓNS A BIBLIO TERÁ UN AGASALLO PARA TI.

COMUNÍCATE CO EQUIPO DA BIBLIOTECA! !

Feliz Nadal. Feliz Ano 2011

2010-12-21T22:18:00.003+01:00

Felicidades para todos os alumnos do IES Isaac Díaz Pardo.

Libros con temática de Nadal no Nadal

2010-12-21T22:12:00.003+01:00

Anímate e le algún destes libros, todos están ambientados no Nadal. Algo moi propio para estes días de vacacións.

Nadal ....... de terror

2010-12-20T22:17:00.001+01:00

Concurso Palabras en xogo

2010-12-20T21:52:00.001+01:00

A Concellería de Educación e Xuventude Celebra o I Concurso Municipal "Palabras en Xogo"
O concurso "Palabras en Xogo", patrocinado pola Concellería de Educación e Xuventude ten por obxeto destacar os coñecementos adquiridos polos estudantes de 6º de primaria e 1º da E.S.O. no seus Plans de Estudo.
A Concellería de Educación e Xuventude, en colaboración con todos os centros escolares do municipio organizou o I Concurso Municipal Escolar "Palabras en Xogo".
Todas as aulas de 6º de primaria e 1º da E.S.O dos centros do termo municipal desenvolveron unha primeira fase en cada centro.
Desta primeira fase saíron 10 parellas semifinalistas, que loitaron o venres 17 de decembro por conseguir a medalla de ouro do campionato para o seu centro.
Os semifinalistas da primeira fase do concurso do noso instituto foron:
1º "A": Sara Álvarez Delgado / Iago Vicos Deus
1º "B": Angel Cao Porta / Adrián Chas Vilariño
Sara e Iago pasaron a 1ª ronda pero non conseguiron superar os alumnos do IES Mosteirón que foron os vencedores. Houbo premio para todos, un xogo para cada aula e os gañadores levaron unha mochila e unha tenda de campaña.
O alumnado de cada centro animou moito aos seus representantes para que acadasen a medalla de ouro da competición e unha anécdota: puidemos ver como os da Sexta facían unha pequena reportaxe sobre o concurso.
Esperemos que o próximo ano teñamos máis sorte.

Xa estamos esperando o Apalpador

2010-12-15T21:55:00.005+01:00

Moito antes de que o Papá Noel ou Santa Claus viñese importado dende outras latitudes, en Galiza tamén había unha figura mítica propia do Nadal: O Apalpador. Mais nestes tempos de présa e consumo, o persoeiro autóctono ficou no esquecemento.

O Apalpador é un vello xigante, de oficio carboeiro, que vive nas devesa das altas montañas. Na noite de Nadal baixaba ás aldeas para achegarse aos nenos e ás nenas que durmían. Caladiñamente, apalpáballes as barrigas para ver se os pícaros estaban ben alimentados. Logo de desexarlle que no ano vindeiro non pasasen máis fame, marchaba deixándolles unha boa presada de castañas quentes.

Esta tradición reflicte a conexión desta figura con outras semellantes como o Olentzero, o Pai Inverno ou o propio Papá Noel. Algúns cren que se trata dun costume de orixe pre-cristián que no seu momento debeu estar espallado por todo o país e que foi desaparecendo progresivamente.

Dende a Coordinadora Galega de Equipos de Normalización e Dinamización Lingüística nos achegan un montón de recursos para traballar o Nadal aos que podedes acceder dende este enlace:
http://www.coordinadoraendl.org/nadal2010/recursos/index.php

Collede ideas para o concurso de decorar a porta da vosa aula.

Unha obra de arte

2010-12-14T22:33:00.002+01:00

Para todos aqueles que vos guste a arte, aquí tedes un video que é unha verdadeira obra de arte. Trátase dun Morphing que recolle a evolución da figura da muller na pintura ao longo da historia.
O Morphing é un efecto dixital de transición entre dous planos mediante cal o primeiro deles transfórmase gradualmente no segundo, a unha velocidade que ven determinada polo número de fotogramas intermedios e mediante un sutil fundido encadeado.
O vídeo titúlase "500 anos de Retratos femininos na Arte Occidental" e trátase dun traballo do creador norteamericano Philip Scott Johnson nominado ao mellor vídeo creativo nos premios anuais que concede o portal Youtube. Comeza co "Arcángel" da Escola rusa de Nowgord datado na segunda metade do século XII e remata co "Retrato de Françoise" de Pablo Picasso que data de 1946. A peza musical que se escoita é a Sarabande da "Suite para cello No. 1 en G Maior" de Johann Sebastian Bach.

Aqui tedes a lista de todos os autores e obras:

http://www.maysstuff.com/womenid.htm

Día dos dereitos humanos

2010-12-12T19:53:00.002+01:00

Os dereitos humanos son aquelas liberdades e dereitos básicos que, de acordo con diversas filosofías ou fundamentacións, toda persoa posee polo mero feito da súa condición humana a garantía dunha vida digna; independentemente de cal sexa o Dereito positivo vixente e de factores particulares como o seu estatus, etnia ou nacionalidade.

Estes dereitos, habitualmente, defínense como inherentes á persoa, irrevogables e inalienables, o que implica que non poden transmitirse, enaxenarse ou renunciar a eles: ninguén, por exemplo, pode venderse como escravo. Por definición, este concepto de dereitos humanos é universal e igualitario, e incompatible cos sistemas baseados na superioridade dunha casta, raza, pobo, grupo ou clase social determinado

Día Mundial contra a sida

2010-11-30T22:31:00.003+01:00

Os tempos económicos difíciles nos países desenvolvidos están debilitando os esforzos para deter a expansión mundial da sida, dixo o cantante de U2, Bono.
"Son tempos difíciles no mundo occidental", dixo a Reuters a estrela do rock irlandesa e activista tras inaugurar o Día Mundial contra a sida, que se conmemora o 1 de decembro, no Teatro da Opera de Sídney.
Bono dixo que os organismos encargados de deter a síndrome de inmunodeficiencia adquirida "estaban loitando duro pola financiación" case tres décadas despois de que a enfermidade fora diagnosticada por primeira vez.
Agregou que se necesitaban máis cartos para cumprir o obxetivo establecido polo Fondo Mundial para eliminar a transmisión do virus do VIH das nais embarazadas aos seus fillos nonatos para o 2015.

Visita ao Real Arquivo de Galicia, Real Academia Galega e Casa-museo Emilia Pardo Bazán

2010-11-30T21:46:00.003+01:00

O pasado día 16 de novembro os alumnos de 1º de Bacharelato fomos a unha excursión didáctica organizada pola Biblioteca do noso instituto. Visitamos o Arquivo do Reino de Galicia, onde primeiro recibimos unha explicación de cal é a súa función e logo vimos o proceso de restauración dos documentos antigos.
Despois fomos á Real Academia Galega, onde non ensinaron o lugar no que se reúnen os académicos, as funcións da Academia e a organización dos seus membros.
Por ultimo, visitamos a Casa-museo Emilia Pardo Bazán, onde nos falaron da súa vida e da importancia da súa figura na literatura da época.
Xisela Díaz, Leticia Vázquez, Yolanda Fernández 1º Bach. B

“A visita foi moi interesante xa que aprendimos moitas cousas novas, como a forma en que se recuperan os documentos antigos e todas as actividades realizadas na Real Academia Galega”
Alejandra Piot, Beatriz Simó 1º Bach. B

“Pareceume interesante coñecer a vida dunha escritora que tivo tanta importancia na súa época. Tamén me gustou a demostración de cómo se restauraba un documento antigo. En definitiva, recomendo esta visita”
Sabela Arenas 1º Bach. A

“ Foi unha visita interesante. Gustoume máis a Real Academia, xa que houbo moitas intervencións para a lectura de fragmentos na sala como se ti foses un académico. A visita ao museo tamén foi boa, sobre todo para a nosa cultura e saber un pouco máis sobre Emilia Pardo Bazán”.
Iván Mazás 1º Bach. B

Unha das cousas que máis nos chamou a atención a todos:

25 de Novembro Día Internacional contra a Violencia de Xénero

2010-11-24T22:45:00.001+01:00

25 de Novembro Día Internacional contra a Violencia de Xénero

2010-11-24T22:12:00.002+01:00

Algo para ler contra a violencia de xénero: O inferno de Marta.
Resumo: Cando aceptou saír con aquel mozo, Marta non sabía que poñía un pé no inferno, e que a partir de entón sería tan doloroso penetrar como tratar de escapar de alí. Esta novela de Pasqual Alapont, escrita ao xeito dun thriller, con psicópata incluído, pon os pelos de pé. Esta é a historia de Marta, unha moza que se namorou da persoa equivocada; pero tamén é a historia dunha amizade a proba de bombas que cativa pola súa tenrura. O libro complétase con A máscara do amor, un texto no que o psicólogo e criminalista Vicente Garrido analiza os comportamentos de risco que calquera persoa moza debería ter en conta para evitar caer no inferno do maltrato físico ou psicolóxico. Un libro útil que combina unha novela emocionante chea de suspense e un práctico libro de autoaxuda.

O Magosto no noso instituto

2010-11-22T22:18:00.002+01:00

Os alumnos de 1º e 2º de ESO fixeron estes bonitos murais sobre o magosto.

Fernández Paz rexeita o Premio da Cultura Galega por coherencia

2010-11-21T22:37:00.001+01:00

O escritor Agustín Fernández Paz rexeitou o Premio da Cultura Galega das Letras que lle foi concedido onte polo xurado presidido polo conselleiro de Cultura, Roberto Varela. Mediante un comunicado, Fernández Paz agradeceu a decisión do xurado de recoñecer a súa traxectoria, pero non o acepta.
No seu escrito, Fernández Paz remitese ao manifesto publicado por Prolingua o 8 de outubro que solicitaba a todos os intelectuais do país que, en caso de ser premiados, rexeitaran eses galardóns. O principal motivo que expuña Prolingua no citado manifesto –titulado Rosalía nunca aceptaría ese premio– é o trato que a Xunta de Galicia está a ter coa lingua e a cultura galega

Novidades

2010-11-21T22:15:00.002+01:00

Tedes aquí o Booktrailer de promoción da novela «Todo é silencio» de Manuel Rivas, editada orixinalmente en lingua galega por Edicións Xerais de Galicia. A peza audiovisual foi deseñada e montada por David Rodríguez. A música e a interpretación é de Lara Domínguez. (En Brétemas)

160 Aniversario do nacemento de Robert Louis Stevenson

2010-11-13T20:35:00.001+01:00

Robert Louis Stevenson foi un novelista, poeta e ensaísta escocés. Posúe unha gran obra que inclúe relatos de viaxes, aventuras e novelas históricas, así como a poesía e ensaios. É o autor dalgunhas das historias fantásticas e de aventuras máis populares como A illa do tesouro, O estraño caso do Dr Jekyll and Mr Hyde ou A frecha negra que foron adaptados para nenos e levadas varias veces ao cine no século XX.
Recomendación de lectura: A illa do tesouro.
Á pousada do almirante Benbow, chega un pirata que se fai chamar Capitán e leva un misterioso cofre. O pirata morre e Jim, o fillo do pousadeiro, descobre un mapa no cofre. É o mapa do tesouro do capitán Flint, escondido nunha illa. Nunha bonita goleta, La Hispaniola, Jim e un grupo de piratas comezan a travesía en busca da illa do tesouro . A novela narra, ademais dunha viaxe en busca do tesouro de Flint, a evolución de Jim, un orfo desamparado que chega a converterse nun auténtico home.

Premio Planeta 2010

2010-11-13T20:16:00.001+01:00

Eduardo Mendoza é o novo Premio Planeta 2010.É un dos novelistas máis coñecidos e de maior éxito comercial do panorama literario español na actualidade. A súa primeira novela La verdad sobre el caso Savolta foi considerada a precursora da narrativa española postfranquista. As súas novelas máis destacadas son El misterio de la cripta embrujada, moi recomendable para todos os alumnos. Anímadeos seguro que vos gusta. Outra novelas súas son: El laberinto de las aceitunas , Sin noticias de Gurb…

Premio Nobel 2010

2010-11-13T20:07:00.003+01:00

Algo tarde pero nos sumamos á felicitación a Mario Vargas Llosa polo seu premio Nobel

Mario Vargas Llosa , escritor peruano con nacionalidade española desde 1993, recibiu o premio Nobel de Literatura 2010 . Este merecido premio foi longamente agardado polos lectores deste gran novelista.
O Nobel da literatura en lingua castelá foi concedido con anterioridade a outros escritores españois (J. Echegaray en 1904, J.Benavente en 1922, J.R.Jiménez en 1956, V. Aleixandre en 1977 e C.J.Cela en 1989) e hispanoamericanos (a chilena Gabriela Mistral en 1945, o guatemalteco Miguel A. Asturias en 1967, o chileno P. Neruda en 1971, o colombiano G. García Márquez en 1982 e o mexicano Octavio Paz en 1990).

Anímate e sube á Biblioteca temos exposto algunhas das súas novelas como La ciudad y los perros, Pantaleón y las visitadoras, La tía Julia y el escribidor, ¿Quién mató a Palomino Molero? e esperamos que proximamente tamén a súa última novela, publicada estes días, El sueño del celta, baseada na apaixonante vida do irlandés Roger Casement (1864-1916), personaxe real que segundo o escritor “tuvo una vida muy aventurera y realmente novelesca”.
Vargas Llosa dedicou tres anos a reconstruír a vida deste personaxe, defensor dos dereitos humanos: "No me acuerdo cuándo descubrí a este personaje, pero sí que fue al leer una biografía de Joseph Conrad. Al principio me despertó la curiosidad, sobre todo porque vi que había estado en la Amazonía, en el Perú amazónico. Empecé a buscar materiales sobre él y cuando me quise dar cuenta ya me había atrapado", dixo o escritor.

Seguimos de medo

2010-11-10T21:50:00.000+01:00

Alma from Rodrigo Blaas on Vimeo.

Biblioteca Rialeda

2010-11-08T12:38:00.003+01:00

Os segundos da ESO fixemos unha visita á Biblioteca Central de Oleiros, Rialeda.
Está ubicada nun exquisito edificio modernista, construido a principios do século XX polo arquitecto Rafael González Villar e rodeado duns xardíns moi ben coidados.
Alí, acolleunos Mari Luz, a bibliotecaria, que moi amablemente amosounos as distintas dependencias, contandonos a historia da casa e da zona, continuando con, “cómo se busca un libro?”, o sistema de préstamos, a súa coodinación coas outras bibliotecas municipais, etc.
Rematamos coa representación dun conto de Cunqueiro (Tristán García) a cargo de Ramiro Neira que nos resultou moi divertido.

Heloisa Fernándes Ribeiro de 2º ESO C , dí:
"Eu penso que a excursión que tivemos foi moi divertida e entretida, edemais de aprender. A biblioteca de Oleiros é moi bonita, está ben organizada, con libros, dvds, cds de moitos tipos. Veu tamén un contacontos a falarnos dun libro ( pareceume moi gracioso".

Tempo de Samaín. Tempo de ler

2010-11-07T21:17:00.001+01:00

Samaín, palabra gaélica, non significa máis que fin do verán, principio do inverno. Na antiga cultura céltica o tempo de Samaín, especialmente a noite do 31 de outubro ao 1 e novembro, era o período máis importante do ano. Eran datas claves para se reunir nos camposantos, comer o ritual e comunal porco de samaín e concelebrar as farradas festeiras dos guerreiros. Era a noite máis perigosa do ano: as portas do outromundo abríanse nesas horas e as ánimas eran quen de vir visitar este mundo e aos seus moradores: tantas veces para render contas inacabadas.

Para afastar dos seus castros as perigosas ánimas defuntas e errantes adoitaban poñer no alto das muradas, ou encastradas nas paredes, as caveiras iluminadas dos inimigos mortos en campaña. De aquí, dos ritos e crenzas célticas ao redor da caveira, vén a tradición europea de facer caliveras na cortiza dos melóns, ou cabazos, ou calabazotes.

Lecturas para tremer. Libros para arrepiar.

2010-11-07T20:14:00.001+01:00

Se de medo queres tremer, escolle ben o que vas ler.

2010-10-28T19:57:00.003+02:00

Comezamos este curso con novas lecturas no noso club “O cubil do Xabarín”. Anímadevos a participar nesta viaxe por distintos mundos descoñecidos a través dos libros.
Cando Hitler roubou o coello rosa
JUDITH KERR
Tradución ao galego de Mª. Carme Ares
Ilustracións da autora
Alfaguara, Madrid, 1990
ISBN 84-204-5059-6

Algúns lectores infantís séntense un tanto enganados co título da famosa obra autobiográfica de Judith Kerr. Quixeran que lles contaran máis cousas do coello rosa que a protagonista Anna abandona en Berlín, de onde a súa familia de orixe xudía foxe durante o ascenso do partido nazi nas eleccións do 1933. Pero o coello rosa non volve aparecer en todo o resto do relato. Esa infancia de peluxe é precisamente o que lle rouban a esta nena Anna, máis afortunada nisto que a súa tocaia Anna Frank.

A realidade impónse ás veces de forma tan cruel coma neste caso en que Anna escoita por riba do libro que ten entre as mans a conversa entre a súa nai e a súa avoa (Omamá). Sen embargo, pesar do fuxida de Alemaña, do refuxio primeiro en Zurich e logo en París para rematar en Londres, coas penurias económicas e dificultades idiomáticas, Anna considera ao final que a súa non foi unha "infancia difícil". Por que? A resposta tamén está no libro.

2010-10-28T19:49:00.000+02:00

2010-10-28T19:45:00.002+02:00

Neste comezo de curso 2010-2011 ... queremos ir empezando a falar do que nos gusta e que nos une en relación ós libros aínda que, xa o sabemos, non son "bos tempos para a lírica".

Neste club de lectura temos que ir pensando nas nosas lecturas para o ano e en novas propostas para facermos todos xuntos. Nós xa temos varias ideas!!!
Bicos lectores

Homenaxe a Labordeta

2010-09-30T19:58:00.009+02:00

Por Cris Asensio

"Habrá un día en que todos

al levantar la vista

veremos una tierra que ponga libertad"

Con estos versos cheos de esperanza comenza Labordeta o seu Canto a la libertad.

Desde a nosa biblioteca Luísa Villalta traemos hoxe unha agarimosa lembranza de José Antonio Labordeta, aragonés nado no ano 1935 e falecido no pasado mes de setembro. José Antonio foi un home polifacético, cantautor, político, profesor de ensino medio na especialidade de xeografía e historia e tamén poeta, pero sobre todo foi un fervoroso defensor da liberdade e da súa terra, Aragón a quen representou durante oito anos -do 2000 ao 2008- no congreso dos deputados. Labordeta é para os galego e galegas todo un exemplo a seguir.

Sentimos que a mellor homenaxe que lle podemos oferecer todos nós desde aquí é a lectura emocionada de versos seus como:

VERSOS COMO BESOS

Los versos se hacen versos

en los atardeceres del otoño

y en el corazón somnoliento

se abren los ríos de luz

y de esperanza.

Es como si todo

volviese a empezar

de manera infinita

y transversal.

A escritora Conchi Regueiro

2010-06-14T19:45:00.003+02:00

Hoxe subimos un comentario moi especial. Trátase de Conchi Regueiro que nos deixou unha opinión ao post que fixemos para dar noticia da súa visita e di así:

"Moitas grazas polo post. Espero que nun futuro próximo volvamos reunirnos para falar de lliteratura aí en Sada. Unha aperta a profesoras, alumnas e alumnos do IES "Isaac Díaz Pardo" paseino moi ben ese 5 de maio.

Conchi Regueiro"

A expresión "futuro próximo" vindo dunha escritora de ciencia-ficción soa moi ben ¿a que sí?

Grazas, outra vez, Conchi, para nós foi todo un placer.

Derradeiro clube de lectura con Cris Asensio

2010-06-09T10:58:00.006+02:00

Onte día oito de xuño realizouse no 2º recreo o último clube de lectura. Este foi un dos máis especiais xa que cada un trouxo os seus libros favoritos. Consistía en que cada un de nós levara un máximo de tres libros, falar un pouco deles de maneira que aos demáis lles interesara lelos.

Tivo moita aceptación xa que nos xuntamos 4º de ESO e 1º de bacharelato.

Para sorpresa de todos houbo un sorteo de dùas entradas de cine e ao final agasallos para todos!

Este foi especial sobre todo porque foi o último con Cris, pois danos moita pena que o ano que vén non vai estar neste instituto.

Biquiños!

Leticia Mosquera, Xisela Díaz e Alejandra Piot 4ºC

Conchi Regueiro e a Ciencia-Ficción

2010-06-01T20:37:00.006+02:00

O pasado 5 de Maio, Conchi Regueiro participou no noso clube de lectura. Veu disposta a comentar con alumnos e alumnas de 4º da ESO a súa obra de literatura xuvenil A herdanza do marqués. O encontro resultou moi entretido a pesar de que se alongou durante hora e media. Moitos dos presentes fixemos preguntas á autora relacionadas coa obra, como a de unha alumna que se interesou pola xénese da novela. Conchi contounos que a hstoria xurdira "unha noite de copas por Ourense " cando estaban a falar da evolución da especie humana e entón ocurriuselle xogar coa hipotética evolución dos lobos a seres humanos. Contounos que tiña ganas de facer un relato de terror e foi así como recorreu ao mito do "lobishome". Á pregunta de por que escolle a ciencia-ficción responde dicindo que "as posibilidades deste xénero son inmensas e que ela quere contar unha historia e facelo do xeito máis orixinal e honrado posible".

Falounos tamén de outras das súas obras como Un marciano neste mundo e O tesouro das ánimas. Recomendounos tamén a lectura da súa última obra La moderna Atenea, da que di que é unha nova proposta de Ciencia-Ficción. Outras das preguntas destacabeis foi sobre a lingua na que a autora prefire escribir, ao que respondeu que ten a inmensa sorte de poder facelo en galego e en castelán:

"encántame manexar idiomas. O manexo de dúas linguas é unha riqueza".

Por último escritora díxonos que Un mundo feliz de Huxley, 1984 de G. Orwell, ou en xeral as obras de Julio Verne, H.G. Wells ou Philip K. Dick foran obras favoritas na súa mocidade. Na actualidade destacou a outros autores galegos de xénero como Isidro Novo coa obra Un escuro rumor tralo silencio.

Grazas Conchi! Desde o noso clube de lectura A cova céltica queremos agradecerche moi sinceramente a túa lección maxistral.

2010-05-18T21:58:00.000+02:00

O marcapáxinas das Letras Galegas

2010-05-11T19:44:00.005+02:00

Un grupo de alumnas de 4º de ESO diseñaron un fermoso marcapáxinas inspirado en poemas de Uxío Novoneyra. Cristina Gutiérrez realizou o debuxo e Bea, Leticia e Yolanda redactaron un pequeno texto sobre a vida e obra do autor que figura no reverso do marcador. Durante estas últimas semanas subimos á biblioteca moitos días e alí lemos os poemas de Os Eidos

e interpretámolos. Finalmente seleccionamos dous para incluílos. Na realización do deseño colaborou a profesora de Plástica. Os marcadores poderedes recollelos de balde na nosa biblioteca nestes días para que os disfrutedes marcando a páxina do libro que estades lendo.

"COUREL dos tesos cumes que ollan de lonxe!

eiquí síntese ben o pouco que é un home..."

(U.Novoneyra)

Perdona pero quiero casarme contigo

2010-05-07T12:34:00.003+02:00

Tralo éxito de Perdona si te llamo amor, Federico Moccia deleitanos coa segunda parte da historia de Alex e Niki, que máis namorados que nunca, ao voltar dunhas vacacións románticas na Isla Azul, enfréntanse a novos retos que poñeran a proba o que sinte un polo outro.

Nesta parte Federico Moccia invítanos a reflexionar sobre a verdadeira natureza do amor, sobre a felicidade, os soños e o compromiso, e plantéxanos a gran pregunta...Pode o amor durar para sempre?

Últimas adquisicións da Biblio

2010-05-03T11:56:00.004+02:00

Uxío Novoneyra é o autor a quen se lle dedica este ano a Festa das Letras.

Os libros de Carme Blanco e Fran Alonso achégannos ao universo biógrafico e literario de Uxío Novoneyra, a través de anécdotas e dunha aproximación aos seus poemas: O Courel, a infancia, a Guerra Civil, Os Eidos, Os días de Brais Pinto, a lingua de María Mariño, o Novoneyra beat do 68, as caligrafías.......

Asesinos sin rostro, no Club de Lectura

2010-04-30T13:05:00.006+02:00

É a terceira vez que Uxío Pedreira, bibliotecario de Oleiros, participa no noso faladoiro. Desta vez a cita é sobre Henning Mankell e Asesinos sin rostro.
Comeza dando unha reseña do autor, o sueco Mankell, nacido no ano 1948, e que vive a cabalo entre Suecia e Mozambique.
Mankell na súa obra resalta o cambio que ten lugar no país desde os anos 70 á actualidade, nesa época estaba moi mal vista a opulencia, o derroche, a xente era discreta no gasto (en parte pola cultura protestante), eran solidarios e non racistas.
En Asesinos... (así como en toda a saga: Los perros de riga, La quinta mujer...) o policía protagonista Kurt Wallander de 40 anos, norte-europeo, que é abandonado pola súa muller e ten mala relación coa súa única filla tamén co seu pai, non conserva os amigos e mete a pata nas novas relacións... ademais leva unha vida desordenada e só vive para o traballo.
O argumento trata da busqueda do home que asasinou cruelmente a un apacible matrimonio de anciáns que viven nunha granxa... hai que encontrar a chave que debe xirar....

14 de Abril, día da República

2010-04-23T13:36:00.006+02:00

O día 14 de abril, Vicente Piñeiro veu ao noso instituto a dar unha charla sobre o seu libro, A morte dun editor. Falounos de como se viviu a guerra civil e deunos a súa opinión ao respecto dos asasinatos que se cometeron a persoas inocentes naqueles anos. Contounos que daquela para poder escribir sen problemas coas persoas que se citaban no libro, púxose o seudónimo de Cascudo de san Cibrán, Cascudo polo seu avó e San Cibrán era o apelido do pai.

Ao final, moi amablemente asinou os libros dos rapaces e recibiu un regalo de parte do instituto.

Feito por: Andrés Varela Pérez, Anaís Paredes Cabado e Mario Roca Couceiro (1ºbach)

Os Eidos de Uxío Novoneyra

2010-04-16T21:34:00.009+02:00

Atopei este video no Centro de documentación da AELG no que Afonso Becerra recita dous poemas de Uxío Novoneyra do libro Os Eidos: Cousos do lobo e Vai polo monte o camiño. Isto é unha "miña-xoia", un agasallo ¡ para disfrutar e aprender!

Uxío Novoneyra e Os eidos

2010-03-31T20:24:00.002+02:00

Rincha o cabalo rinchón
peta o piquelo no encino
resga o gaio unha canción
e guíndaa dindes do ar
e vai voando sin tino
buscando outra noutro brelo
que ha de ter o mesmo sino.

Enche o cuco o val co seu cantar.

U.Novoneyra

A praia dos afogados

2010-03-30T18:10:00.003+02:00

A praia dos afogados foi o libro que comentamos a semana pasada na nosa tertulia de A Cova Céltica. Luís Domínguez, médico de profesión, foi a persoa invitada nesta ocasión para comentarnos a obra de Domingo Villar. Entre o público estaban alumnos e alumnas de bacharelato e 4º da ESO, ademais contamos coa presencia da nosa directora. A tertulia foi moi entretida e os alumnos tamén tiñan curiosidade por saber cousas da profesión de médico. O doctor Domínguez respondeu con moita amabilidade e claridade a todas as preguntas formuladas e ademais aproveitou para falar da súa vocación de médico e insistiu moito na importancia de ler, novelas, ensaio... Posteriormente e como xa vén sendo habitual nos nosos clubes sorteamos entradas de cine entre os asistentes. Ao remate da sesión Luís Domínguez asinou no libro das visitas, deixándonos unha fermosa dedicatoria dirixida a todos os alumnos e alumnas do centro.

Ana Pillado e O día da muller

2010-03-24T10:12:00.009+01:00

Ana Pillado participou o pasado día 9 de marzo nun clube de lectura que organizamos para conmemorar o día da muller. Ana presentou tres libros de tres escritoras diferentes:

As chaves do tempo da nosa benquerida Luísa Villalta, A xeira das árbores de Teresa Moure e Un cuarto de seu de Virxinia Woolf, libro este último do que dixo que exercera sobre ela unha grande influencia na súa etapa de adolescencia, marcándolle un camiño cara o feminismo.

Ademais agasallounos cun libro seu Fábula Mater (poema en 12 actos) composto por poesía e ilustracións que ela mesma fai. O libro foi dedicado para as "rapazas e rapaces" do IES.

Ana Pillado é profesora e ademais escribe, debuxa, e fai ilustracións como as capas do libro que reproducimos aquí

2010-03-14T21:38:00.002+01:00

Lecturas, Mujeres, Historia y Arte

View more presentations from Diana Echeverri.

Crepúsculo e Pedro Ramos

2010-02-26T11:43:00.007+01:00

O día 24 de febreiro veu o instituto o escritor Pedro Ramos para comentar o libro "Crepúsculo", todo un best-seller mundial.

No clube de lectura comentamos moitas cousas, por exemplo, se nos gustaba o actor que escolleran para o papel protagonista, Edward Cullen e tamén se a historia era orixinal ou non.

Tiñamos que convencer á directora de que lera os libros, e conseguímolo. A maioría dos alumnos estabamos de acordo con que "Lúa Nova" era o peor da saga e "Eclipse" o mellor.

Tamén comentamos que papel desempeñaba a manada Quileute na saga. E, por último, chegamos á conclusión de que fixeron un estudo de mercado para saber que era o que máis lle gustaba ás adolescentes.

En definitiva, un clube de lectura que nos gustou moitísimo e esperamos que se repita con seguintes libros da saga.

Beatriz Simó e Yolanda Fernández 4ºB

Club de lectura: A esmorga

2010-02-24T12:35:00.003+01:00

Este pasado venres 19, os alumnos de 2ºC de Bachalerato fixemos un pequeno clube de lectura no que cadaquén expuxo as súas impresións e conclusións acerca do libro que leramos, “ A esmorga”.A esmorga é un libro escrito por Eduardo Blanco Amor (Ourense 1897 – Vigo 1979).A obra foi publicada no ano 1959. Nela, o autor, cóntanos unha historia que lle contara o seu tío e que sucedera cando só tiña 5 anos, polo que é unha historia de comezos do século XX .

“Esmorga” é unha palabra galega moi enxebre e que significa algo así como troula, festa.Toda a obra está ambientada nesa época e conta a historia de tres mozos(Cibrán, o Bocas e o Milhomes) que pasan unha noite de troula con graves consecuencias. A historia é contada por un deles, Cibrán, que a través do recurso do fío telefónico ( Cibrán fala con alguén que o está a interrogar pero os lectores non sabemos as respostas do receptor) nárranos como sucederon os acontecementos. É así pois un drama cheo de recursos cómicos, pois ás historias graciosas que lles ocorren, ademais hai que engadir o vocabulario vulgar que chegan a empregar os personaxes, co que o autor consegue facernos escachar de risa.No noso clube, as principiais conclusións que tiramos todos son que, por unha parte, é un libro entretido é fácil en canto á trama, pero un pouco complicado en canto á linguaxe que utiliza, pois é unha variante dialectal propia da cidade onde está ambientado, en Auria (Ourense). Outro aspecto que merece ser mencionado é o feito de que nesta obra Blanco Amor danos unha visión distinta da sociedade, pois a través dela fai unha forte crítica á mesma facendo fincapé nas diferencias existentes entre as clases sociais e facendo unha forte crítica á falla de comunicación que había coa xustiza, dado que os xuíces eran foráneos e non entendían o galego. En conclusión, invítovos a todos a que vos anímedes a ler esta obra, que é un fito da literatura galega.

Unha aperta, vémonos de esmorga!.

Sabela (2ºbach)

Club de lectura: Ollos de agua

2010-02-18T19:36:00.007+01:00

Domingo Villar

O martes día 11, reunímonos ás cinco da tarde na nosa biblioteca para comentar cun grupo de alumnos e alumnas de 1º de bacharelato a novela Ollos de agua de Domingo Villar, da que destacaron que era interesante que unha novela de xénero policíaco estivese ambientada en Galicia, concretamente na cidade de Vigo. Deste xeito o seu autor aproveita así para amosar a súa terra, os seus costumes, as xentes, as formas de vida galegas. Os personaxes tamén foron amplamente comentados, especialmente o inspector Caldas e o seu axudante Estevez, destacando o contraste existente entre eles. Finalmente, o desenlace da obra foi outro dos puntos de interés da análise e o comentario bastante unánime foi que decepcionou un pouco. As opinións máis secundadas foron as de que todo sucede demasiado depresa e dun xeito brusco, como se houbese que rematar o relato e non se soubese moi ben como facelo ou como se houbese presa por acabar.

De todos xeitos o balance xeral foi positivo e a novela gustou. Quedamos para ler a segunda entrega do inspector Leo Caldas en A praia dos afogados. Ademais este libro levounos a outros do mesmo xénero e unha profesora propuxo ler Asasinos sen rostro do autor sueco Henning Mankel.

Así que xa sabedes, apuntádevos a algún dos dous libros que seguro que o disfrutaredes.

2010-02-11T11:04:00.013+01:00

Catalogando libros, atopeime con este da colección O Moucho que editara en tempos Edicións Castrelos. Chámase O Libro do Amor, está recollido da Literatura Popular e a escolma faina Darío Xohán Cabana, (o académico e poeta que nos visitou o curso pasado). Pasando as follas e vendo as datas en que estamos, pensamos que sería bonito que os namorados dérades de agasallo....un verso. Aí van algúns:

Amoriños collín
á beiriña do mar;
amoriños collín,
non os podo olvidar.

As estrelas corren, corren,
todas nunha carreiriña;
tamén corren os amores
da túa man para a miña.

Meus ollos choran por verte,
meu corazón por amarte;
meus pés, por chegar a tí,
meus brazos, por abrazarte.

Tamén atopamos para os desenganos amorosos:

Namoréime, namoréime,
non me soupen namorar;
namoréime dunha nena
que non me soupo estimar.

O día que me esqueciche
¡ meus ollos cánto choraron!
Tanto foi, que dos meus ollos
seca a fonte me deixaron.

Os ollos con que me miras
ollos de taimado son;
non fagas decir ós ollos
o que non dí o corazón.

Ou versos retranqueiros para os namorados:

Coidan os enamorados,
coidan e non coidan ben,
coidan que ninguen os mira
e todo o mundo os ve.

Maruxiña vai na fonte,
moito tarda, que non ven;
ou rompeu o cantariño
ou moitos amores ten

MORRE J.D. SALINGER

2010-02-11T10:28:00.007+01:00

Falece aos 91 anos J.D.Salinger (28 xaneiro 2010)

Lembramos o Club de Lectura do pasado 13 de abril cando comentamos as andanzas de Holden Caulfield, protagonista de The Catcher in the Rye, O vixía no Centeo, entre as xentes de Nova Iorque, revelándonos o vacío social e os falsos valores encontrados polos xóvenes da época.

Salinger fai un canto ao individualismo, que queda firmemente insertado na conciencia do século XX. O escritor só publica catro obras na súa vida, e dá dúas entrevistas, na última ao xornal New York Times, en 1974, nela recoñece que segue escribindo diariamente, porque non sabe vivir doutro xeito, pero que goza do privilexio de non publicar, pois considera que colocar os seus libros nas tendas é unha intromisión á súa privacidade.

Puido vivir comodamente só cos dereitos de autor de O Vixía no Centeo, que ainda hoxe vende uns 250.000 exemplares anuais só nos Estados Unidos.

O Vixía no Centeo, gañou a etiqueta de libro maldito, e foi obxecto de campañas pedindo a súa censura, a pesar diso hoxe é lectura obrigatoria en moitos institutos.

Méndez Ferrín o novo presidente da RAG

2010-01-22T12:02:00.006+01:00

O escritor Xosé Luís Méndez Ferrín será o novo presidente da Real Academia Galega. A súa candidatura preséntase avalada polo presidente saínte Xosé Ramón Barreiro. O seu nomeamento terá lugar mañá sábado 23 de xaneiro, no salón de actos da Academia, na que fora casa de Emilia Pardo Bazán na coruñesa rúa de Tabernas, na cidade vella.

Méndez Ferrín naceu en Ourense en 1930. Exerceu a docencia, sendo catedrático de Lingua castelá e literatura. Foi nomeado tamén Doctor Honoris Causa pola Universidade de Vigo e conta co premio nacional da cultura galega desde o pasado ano 2009.