18/4/18

Luns 9 de abril

A profesora e escritora  Montserrat Yoldi, presentou o seu libro de poemas, recentemente publicado, Cinsa na Boca. O alumnado de 2ºBACH foi o destinatario desta charla, que presenta un libro de denuncia social, cuns poemas nos que a autora pon voz ás vítimas de todo tipo de violencia no mundo actual, sobre todo o sofrido polas mulleres.  


17/4/18

Exposición de libros sobre mulleres


Venres 6 de abril

Como vén sendo habitual estes últimos anos, a biblioteca contou coa sempre grata compaña de Dona Carmen Abeledo, avogada especializada en lexislación sobre violencia de xénero, que impartiu dúas charlas sobre este tema  ao alumnado de 1º de bacharelato.


Club de lectura O Cubil do Xabaril



O pasado mércores 11 de abril, ás 16.30 os alumnos de 2º de ESO  tiveron a xuntanza para valorar as novelas de Agustín Fernández Paz: Corredor de Sombras e Cartas de inverno. ^Pasamos un rato agradable comentando as nosas impresións sobre as dúas novelas.

Corredor de Sombras é unha  historia de intriga na que unha adolescente, Clara Soutelo, investiga a morte violenta dun individuo que aparece emparedado no pazo propiedade de seu pai. Cartas de inverno é unha novela epistolar de misterio e terror, que atrapa aos seus protagonistas irremediablemente. Grazas, rapaces, por participar unha vez máis nesta aventura de ler e compartir! Vémonos en xuño na última xuntaza.


Ismael, Mª Angel, Carla, Andrea e Carla.
Andrea, Eva, Dalia, Ismael e Carla

Club de lectura 2ºBAC


O 4 de abril once alumnos de 2ºBAC comentaron o terceiro libro que leron no marco da materia de Ciencias da Terra e do Medio Ambiente. É un ensaio que nos fala dos problemas medioambientais tan graves que padece o noso planeta e as súas posibles solucións.




A maioría dos estudantes comentaron que a primeira parte era bastante densa polo termos relacionados coa economía,  pero en líñas xerais consideran que este libro os fixo e fainos reflexionar sobre os problemas ambientais que se enfrenta esta sociedade e as xeracións futuras.




Despedímonos destes estudantes que nos acompañaron seis anos, desexándolle moita sorte na etapa que pronto van comenzar. Bicos!

2/4/18

Club de lectura


O Cubil do Xabaril composto por cinco estudantes de 1ºESO comentaron o libro de lectura en inglés. Pareceulles moi apropiado para ampliar os seus coñecementos da lingua inglesa. Que valientes!!

Hugo, Claudia, Jimena,, Alba e Inés

Catro estudantes de 4ºESO comentaron o libro que limos nesta avaliación "Los niños de la viruela" no cal reflexionamos sobre a importancia das vacinas e que toda a poboación poida ter acceso a elas. O vindeiro libro será un volume de historias curtas de Ian McEwan.



O alumnado de 2ºBAC tamén comentou o libro deste trimestre; este foi máis curto que o anterior pero con tanto traballo que ten este curso ten moito mérito a súa lectura. Os nove estudantes atoparon o libro moi coherente cos contidos da materia de Ciencias da Terra e Medio Ambiente deste trimestre. Moito ánimo para o último!!!

3/2/18

Club de lectura 2ºBAC

 O mércores 31 de xaneiro nove alumnos de 2º BAC estiveron comentando a obra "La memoria secreta de la hojas" de Hope Jahren, unha historia de árbores, ciencia e amor. Encontraron o libro interesante para coñecer de primeira man o que significa a investigación científica.Tamén dixeron que nalgúns momentos, principalmente na metade, o seu desenvolvemento era un pouco lento.
Na fotografia os podedes ver ensinando o libro citado, ademais unha alumna amosa o vindeiro que imos ler.


31/1/18

Conmemoración do Día Escolar da non Violencia e da Paz


Os alumnos da ESO conmemoraron este día coa lectura de diversos poemas relativos á Paz dos seguintes autores: Manuel María, Juan Goytisolo e da nosa prezada compañeira Montse Yoldi. A continuación e para finalizar  visualizaron un Powerpoint da canción do último premio Nobel de Literatura Bob Dylan,"Blowing in the Wind".






25/1/18




Clubs de lectura "o Cubil do Xabaril"

O pasado  17 de xaneiro levamos a cabo a posta en común dos nosos clubes de lectura de 1º e 2º de ESO.

2º de ESO

Unha dúcea de rapaces e rapazas de 2ºA, B e C reunímonos para valorar a novela de María Gripe Os escaravellos voan á tardiña". Trátase dunha novela que protagonizan tres rapaces, cunha trama moi enredada pero que engancha ata o final, que nos fala de amores imposibles, desgrazas familiares ligadas á posesión dunha fabulosa estatua funeraria exipcia,  escaravellos que revelan lugares onde se agocharon durante séculos cartas ou obxectos que ao longo da novela van construindo o puzzle final, unha planta con sensibilidade humana que sinala coas súas follas o cuarto de verán onde se se iniciaron todas as pesquisas, unha voz feminina ao teléfono que resulta ser unha pantasma... En fin, unha novela que pagou a pena ler no club.

"

 Antes de que remate o segundo trimestre volveremos ter outra sesión de club relativa á lectura de dúas novelas de Agustín Fernández Paz: "Cartas de inverno" e "Corredores de sombras".

,




1º de ESO
Ainda que de momento os rapaces non se animaron moito ao club de lectura, eran seis os alumnos anotados e acabaron vindo á nosa reunión catro, esperamos que haxa máis voluntari@s para este segundo trimestre. De principio leuse "Violeta Tamurana" de Andrea Maceiras, novela que foi do agrado de todos. 
Hugo, Inés, Jimena e Claudia

 










 Aproveitando que a profesora que conduce este club, Ofelia, é  da materia de inglés e que as alumnas amosaron o seu interés por ler algo nesta lingua, o próximo libro deste grupo será "Footsteps".  Dende aquí queremos animar a que se apunte máis alumn@s a este club.





5/1/18

Club de lectura

O mércores 20 de decembro estrenamos o punto de lectura reunindo os estudantes de 4ºESO para comentar o libro que lemos neste trimestre A que altura está o ceo ? de Jorge Mira . Os comentarios foron moi positivos en relación aos datos que aporta sobre aspectos da astronomía e reforzando os coñecementos que estudamos na materia de Cultura Científica.



Os alumnos de 1ºBAC tamén se xuntaron co libro Unha breve historia de todo ... e tal como dixeron de breve nada ... ademais de  comentar que a súa lectura ás veces era un pouco densa aínda que  aprenderon aspectos novos de Xeoloxía que non se atopan nos libros de texto. Foi un éxito de asistencia: 15 estudantes!!! esperamos que no próximo trimestre revalidemos o quorum !!!







3/1/18

O Nadal na bilioteca


Xa estamos no Nadal e a biblioteca está decorada para a ocasión



E xa temos PUNTO DE LECTURA!!!! o Apalpador este ano veu cargadiño!!

4/11/17

BENVIDOS E BENVIDAS AO BLOGUE DA BIBLIOTECA PARA O CURSO 2017-2018



Empeza un novo curso e temos novidades. A coordinadora para este curso é a profesora de inglés Begoña Babío e tamén contamos cunha nova incorporación, Montse Yoldi, profe de galego. Esperamos e desexamos que disfrutedes dos libros polo menos igual que o ano pasado.
A continuación tedes o eslogan para as bibliotecas escolares para este curso MENUDO RETO!!!



Resultado de imagen de bibliotecas escolares galicia 2017 icono

5/7/17

X Xornada dos Clubs de Lectura

O pasado 17 de xuño a profesora ao cargo dos clubs de lectura este curso, Ofelia, e sete dos alumnos/as que participaron nos clubs "O Cubil do Xabaril" de  1º ESO  ee 2º ESO   ao longo deste curso acudimos a Santiago á festa de aniversario dos clubs de lectura. Alí vimos a Miguel Anxo Prado, Marcos Calveiro, Andrea Maceiras, e César Mallorquí, entre outros autores. Participamos en diversos obradoiros e tivemos unha quedada entre outros clubs: do IES Francisco Aguiar, do IES María Casares, etc. Coido que o pasamos todos moi ben a pesar da intensa calor que padecemos, sobre todo na viaxe de retorno a Sada.

Aí vos vai un pequeno resumo en imaxes  do evento. Feliz verán a todos/as!
O grupo á chegada a Santiago:
 Ismael, Carla, Anxo, Carla, Eva, Lara e Iria
 


Performance  inaugural de "Pista Catro"


"Libros e Internet" a blogueira Violeta Moon

Carla e Iria, as voceiras dos clubs relatando a súa experiencia
a compañeiros dos IES Francisco Aguiar e María Casares


Eva, Lara e Iria
Festa de peche, con Xabier Díaz & Adufeiras de Salitre



22/6/17

Clube de lectura "desexos literarios"

O xoves 22 de xuño reunímonos 10 estudantes (8 de 1ºBAC e 2 de 4ºESO)  e María-Jesús para comentar os libros que léramos. Cómpre lembrar que leron un libro escollido entre as suxerencias de todos eles. Así tiñamos seis que se decidiron a ler "Aventuras del ser humano", dous "seré frágil" , Alex con "Viaje alucinante" e Pablo con "Breve historia del tiempo", tal como visualizamos na seguinte fotografía:


  


A continuación cada estudante contou  as súas impresións sobre o libro, así por exemplo recomendan Aventuras del ser humano para Bacharelato e non para a ESO pois hai fragmentos moi técnicos relacionados coa sáude... "Seré fragil"conta a historia dunha adolescente que padece anorexia; pareceulles moi descorazonador aínda que a lectura é doada ... Viaje alucinante é un libro de ciencia ficción que pode interesar tanto para alumnos da ESO coma BAC xa que a súa lectura é moi amena Terémolo en conta!!! e por último "Breve historia del tiempo" foi un libro que defraudou a Pablo posto que é dificil e complexa a súa comprensión... 



Finalmente os alumnos escolleron un libro ou máis para ler nas vacacións. Algúns elexiron "Plenilunio" lectura obrigatoria de 2ºBAC, que estudantes tan aplicados!!!! Tamén hai outros títulos ....Adiviñades cales son? observadeos na seguinte imaxe:



14/6/17

5 de xuño: Día internacional do medio ambiente


Os estudantes da materia de Bioloxía e Xeoloxía de 1ºESO e Ciencias da Terra e do Medio Ambiente de 2ºBAC e coas súas respectivas profesoras -Charo e Mª-Jesús- expuxeron obxectos elaborados a partires de materiais destinados ao lixo ou en desuso. Esta actividade enmárcase dentro das actuacións de concienciación medioambiental. Aquí podedes observar os obxectos coma un reloxo con pezas de dominó, un impermeable confeccionado con bolsas de plástico....




Ademais dentro do marco das actividades de Normalización Lingüística os estudantes de Cultura Científica de 4º ESO e 1º BAC realizaron un tríptico informativo en lingua galega sobre o Seixo Branco despois de visitalo, co fin de valorar o noso patrimonio natural e lingüístico. Na biblioteca podedes ver os fantásticos trípticos realizados.




Tamén na biblioteca do gallo deste Día do Medio Ambiente tedes no expositor principal libros sobre os problemas e o coidado do medio ambiente:



8/6/17

Club de lectura 1º Bachillerato

El viernes 2 de junio, a las 16:30 horas, cuatro alumnos de 1º de Bachillerato y su profesora Laura Amo nos reunimos en la biblioteca para hablar acerca de la obra de Eduardo Mendoza Sin noticias de Gurb
Comentamos el humor de las situaciones a las que se enfrenta el alienígena en busca de Gurb en la Barcelona disparatada de principios de los noventa, las transformaciones que experimenta  intentando ¿pasar desapercibido?, las referencias literarias que aparecen en la obra, el final abierto, etc. Disfrutamos intercambiando impresiones y coincidimos en que es un libro ameno y de fácil lectura.
Sara, Omar, Lorena y Dmitri, felicidades por vuestro entusiasmo lector, que se impone a las fatigas de final de curso. Esperamos seguir contando con vosotros para próximos clubes. 





5/6/17


Club de lectura "O Cubil do Xabaril"de    1º ESO   

Rematamos o curso coa lectura de "Violeta Tamurana" , unha novela de Andrea Maceiras; a nosa posta en común foi o pasado 1 de xuño.  Esperamos repetir esta experiencia o vindeiro curso e que os que teñades a oportunidade de ir á xornada dos clubes de lectura en Santiago o pasedes moi ben !

Carla Villca, Eva, Lucía, Laura Palmeiro, Celia, Inés, Ismael, Carla López e Laura Campelo

O Cubil do Xabaril



O pasado 16 de maio rematamos o noso club de lectura de  2º ESO  coa valoración da novela "Irmán do vento", de Manuel Lourenzo González. Esta foi a nosa última reunión do club. Esperamos contar de novo con vós  o vindeiro curso e que o pasedes en grande compartindo experiencias con outros rapaces na xornada dos clubes de lectura en Santiago!


Lara, Iria, Zaida, Alba, Lucía e Zeltia

30/5/17

O mundo dos animais

Os días 22, 23, 29 e 30 de maio os estudantes de 1ºESO xunto coa profesora María-Jesús Fuentes realizaron unha lectura do libro "El mundo de los animales" de Desmond Morris


Cada alumno leu un animal diferente en silencio e escribiu algunhas características, tal como podemos ver nestas imaxes





A continuación fixemos unha posta en común na que cada estudante comentaba algunha característica do "seu animal" e os demais tiñan que adiviñalo. Foi moi divertido!!!



17/5/17

Día das Letras Galegas

O dezasete de maio celébrase o Día das Letras Galegas. En 1963 a Real Academia Galega propuxo que se declarase esta data por coincidir coa publicación da obra de Rosalía de Castro Cantares gallegos en 1863.
Ata o día de hoxe foros moitos os autores homenaxeados no Día das Letras Galegas: Rosalía de Castro, Alfonso X "O Sabio",  Otero Pedrayo,  Celso Emilio Ferreiro, Álvaro Cunqueiro, Ánxel Fole, etc. O último, Carlos Casares. Déixamovos unha mostra dalgúns dos seus libros, que podedes atopar na biblioteca:






Feliz Día das Letras Galegas!