17/12/09

O NADAL







ies+instituto+sada
O NADAL
A festa de nadal ten unha orixe pagá (Natalis Solis invicti) e xeneralizouse por Europa desde o S. XIII
As festas navideñas comezan coa celebración da Noiteboa o día 24 de decembro. Segundo Ramón Otero Pedrayo había en moitos lugares de Galicia unha tradición nesta festa, o chamado “Tizón de nadal”. O tizón é un cañoto grande dunha árbores e cada ano nesta data acendíase un tizón novo que substituía ao vello do ano anterior e que se deixaba arder ata a metade e despois gardábase como símbolo de boa sorte e poderíase encender no caso de treboadas para protexer contra elas.
As Panxoliñas e Vilancicos son cancións propias de Nadal. Nenos e mozos agrupábanse en coros ás veces improvisados e pasaban polas casas cantando algúns vilancicos que podían acompañados de golpear de cunchiñas, botellas pandeiros. O vilancico era o cantar rústico que os labregos interpretaban e a panxoliña é de carácter relixioso.
Os Reis
Esta celebración pasou de Oriente a Roma nos últimos tempos do Imperio Romano. Os mozos interpretaban o Cantar de Reis e recibían aguinaldos. Nalgúns lugares de Galicia organizábanse xantares entre os días 5 e 7 nos que participaban todos os veciños da aldea e o xantar era presidido por un rei e un vicerrei coroados para a ocasión. Para o banquete recollíanse vituallas por toda a vila. Durante eses días esquecíanse as diferencias e enemistades que houbese entre os veciños. O coro de mozos que ían cantando polas casas podían desplazarse ás aldeas veciñas da mesma parroquia e ían acompañados dunha serie de máscaras e un gaiteiro. Era unha conmemoración parateatral do nadal.




Un fato de labradores,
que todos somos galegos,
a Belen viñemos xuntos
co noso amigo o gaiteiro,
para ó son dunha alborada
cantar esta mañá cedo,
con moito lecer,, aquí
unha tonada a este Neno;
que che está de rechupete
e se non xa o veremos
(vilancico anónimo do S. XIII)

27/11/09

Anxo Fariña no IES Diaz Pardo de Sada

instituto+sada
O xoves 19 de novembro , Anxo Fariña , o autor dos Megatoxos , fixonos unha visita aos alumnos de primeiro da ESO. Falounos do seu novo libro e tamen os seus debuxos.Tamén nos ensinou un esquema de como facer un libro. Aparte de escribir os seus libros , tamén os ilustra. A nosa opinion xeral da actividade é que resultou moi interesante. Gustarianos que se volvera a repetir.


Sara Sande,Melisa Zapata,Itziar García e Silvia Méndez(1ºA)

Alumnos do IES Diaz Pardo de Sada visitan a biblioteca Gonzalez Garcés.


Os alumnos de 4º visitamos o día 26.11.2009 a biblioteca " Miguel González Garcés ". Unha vez alí reunimonos no salón de actos e a bibliotecaria esplicounos como funcionaban todas as bibliotecas de España en xeral, e concretamente esta que visitamos.

A continuación levounos por toda a biblioteca e fomos pasando polas distintas salas, por exemplo, a Sala de Actos(onde se presentan libros novos), a Sala Infantil (que está organizada por cores segundo as idades dos nenos), a Hemeroteca (onde podemos encontrar periódicos e revistas semanais, mensuais e anuais), a Fonoteca (onde se poden alugar películas, discos, etc.), Sala de Prestamo e de consulta.

Na entrada encontrase uns andeis onde se expoñen os libros dados de baixa, para que os podan coller quen queira, e tamén encontranse novidades.

Os libros clasificanse por un Código Decimal Universal (CDU).


Verónica Palma, Bea Simó e Leticia Vazquez(4ºB)

10/11/09

A biblioteca Suárez Picallo

instituto-sada

As alumnas e alumnos de 1º de ESO visitamos hoxe a biblioteca municipal Suárez Picallo. Alí explicáronnos o funcionamento da biblioteca e fixemos algunhas actividades que as bibliotecarias tiñan preparadas para nós. O primeiro que debemos saber e o significado da palabra biblioteca e a súa etimoloxía.

Biblioteca é unha palabra composta de dous elementos gregos "biblios" e "teca"que significan respectivamente "libros" e "almacén" e segundo o diccionario unha "biblioteca pública é o local onde se gardan os libros, e instalacións para telos, clasificalos, conservalos e para facillitar a súa consulta"

4/11/09

Alumnos do Instituto de Sada no Teatro

instituto-sada-teatro
EXCURSIÓN PARA VER A OBRA "CACHAI"


O pasado día 19 de Outubro de 2009, o curso de primeiro de bacharelato fumos cos profesores de Filosofía e Tecnoloxía a ver unha obra de teatro ó Forum Metropolitano. Saímos do instituto ás 11 da mañá e regresamos ás 14:15, aproximadamente. Ó chegar alí, unhas persoas déronnos regalos e caramelos, debido a que era o día Internacional do Cancro de Mama. Inmediatamente, fumos á sala do teatro e un home da Compañía introduciunos á obra titulada "Cachai", contounos a historia dun profesor que foi a Colombia e viu a situación que alí había. Tamén informounos da fame no mundo e preguntounos se sabiamos quen era o culpable. A obra tiña catro personaxes; dous actores e dúas marionetas. A obra trata de que un home chamado Don Zamora; protagonista da historia, fanlle unha entrevista para un revista, el cóntanos a historia da súa vida , como era antes do Golpe de Estado Chileno, como foi despois, como foi pasar fame, como entrou no mundo da arte e da interpretación, como foi o inicio da obra... Todo o que nos contaba formaba parte da obra. Esta obra trataba do paraíso despois da morte, interpretada por Don Zamora e a súa marioneta (que representaba ó seu irmán, que morrera despois do Golpe de Estado Chileno) e os dous aparecen disfrazados de esqueletos e é moi graciosa. En conclusión, a obra encantoume, non só porque nos explicou a situación Chilena antes e despois do Golpe de Estadoe tamén pola representación dos dous actores. A única pena foi que non nos puidemos quedar ó debate, xa que senón non chegábamos a coller ó autobús. Paseino xenial e gracias a Uxio por levarnos!


Paula Potrony Pardo 1ºA BACH.



Espectáculo construido a partir da experiencia de dous irmàns que quedan orfos a noite do golpe de estado de Pinochet e recollido nun encontro propiciado pola xira desta Compañía por Chile.
CACHAI é un dramático exemplo de como se relacionan necesidades e creación. Sobrevivir creando. Unha experiencia dura e un pracer vital.


Con: Adán Rodríguez, Lucas Escobedo.
Dirección: Pepe de Jiméndez


"Cachai" nace en Santiago de Chile, en uno de sus barrios pobres, cerrando deseos en cajas de madera claveteadas por los cuatro costados. Dramático ejemplo de como se relacionan necesidad y creación. Sobrevivir creando. Una experiencia dura y un placer vital. El triunfo de ese compromiso con el "estar en el mundo" por parte del actor Adán Rodríguez y mío es sin duda "ese contar el mundo" llamado "Cachai". ¿Cachai?


Pepe de Jiménez
Atención ao comentado por Claudia Neira Castro (1ºBachA) sobre o significado da palabra
"Encantoume a obra de teatro, por iso busquei a etimoloxía da palabra cachai. Cachai vén de verbo cachar, que entre outras cousas significa "entender". Esta palabra procede do inglés "catch", que significa"agarrar".Este verbo tamén se usa co significado de " manter relación sexuais".

30/10/09

Para que o pases de medo





para que o pases de medo nesta noite de difuntos!

28/10/09

Alumnos do Instituto de Sada no Teatro Rosalía de Castro

Por: Iago Teijeiro Cora (1ºBach B)

Argumento:
Na cidade de A Coruña, en 1958, un grupo de rapaces que estaban a facer a mili e un par de rapazas (unha delas filla dun coronel) encóntranse no bar dunha sociedade mui prestixiosa da cidade. Nese momento estase a celebrar un concurso, chamado "trampolín de estrelas", no que van participar os reclutas e máis un cantante de rock and roll que se fai chamar Elvis Montana. Durante o concurso "que dura un par de días"chegan os militares da garda persoal de Franco. Estes teñen uns problemas cos reclutas e máis coa muller do coronel antes citado.
Máis tarde Franco chega á cidade (os reclutas, cansados dos abusos dese réxime,intentan cometer un atentado contra Franco, pero este fracasa.

Por outra parte hai uns líos amorosos entre un dos reclutas e máis Elvis, xa que os dous queren á mesma muller. Ao final Elvis gaña o concurso, pero é o recluta quen se queda coa rapaza.


Personaxes:
Os dous reclutas, Elvis, a muller á que aman Elvis e máis o recluta, a filla do coronel, os dous militares de
alto rango, o coronel, a muller do coronel, o presentador do concurso, os músicos e máis a muller de Franco.

Lugar:
A Coruña, no Clube Náutico, no bar desa sociedade.

Tempo:
• Tempo histórico: Setembro do 1958.
• Tempo do relato: Uns días.

Opinión persoal:
A min, máis ca unha obra de teatro, pareceume un musical; o cal non é negativo, ó contrario. Encantoume a obra, sobre todo cando cantaban e bailaban con esa música dos anos 50-60. Tamén me gustaron os líos amorosos que tiñan o coronel, a súa muller e máis o militar de alto rango. Nunca vira unha obra (sen contar as obras que vemos nos institutos) e, para ser a primeira vez, foi unha boa experiencia e teño gañas de repetir.

22/10/09

Teatro: Glass City

O luns 26 de outubro imos ao teatro co alumnado de bacharelato, 1º e 2º (letras). No Teatro Rosalía Castro de A Coruña a compañía Teatro do noroeste porá en escena Glass City. Eduardo Alonso é o autor e director e con esta obra continúa o ciclo de obras dedicadas a cidades galegas. Anteriormente foron As damas de Ferrol e Imperial: Café cantante. Vigo 1936.

En Glass City, cidade de cristal, situámonos na Coruña de 1958 nos tempos do dictador Franco, quen viña de vacacións a Meirás no mes de agosto. Isto facía que durante ese mes A Coruña se transformase co acontecimento, convertíndose na capital. Aquí celebrábanse importantes recepcións e consellos de ministros no Palacio municipal. Tamén en diferentes sociedades civís tiñan lugar celebracións variadas e os membros da escolta de Franco, que eran sobre todo militares viñan disposto a pasalo en grande. O propio alcalde da época, Alfonso Molina participaba intensamente nestas festas, por este motivo naceu o dito "A Coruña divírtese mentres Santiago reza e Vigo traballa". Pero neste mesmo ano tiñan lugar outros acontecimentos importantes para a vida da sociedade, como foi a chegada das "juke box", as máquinas de discos, importadas de Estados Unidos. Nestas máquinas había cancións dos famosos da época: Elvis Presley, Paul Anka, Chubby Checker... Isto suporía unha auténtica revolución musical entre a mocidade coruñesa cambiando o seu estilo de vida...

16/10/09

O único que queda é o amor


Agustín Fernández Paz recibiu o premio nacional de literatura no presente ano co libro titulado

O único que queda é o amor. Un conxunto de dez contos compoñen esta obra na que o amor é o fio que lle dá unidade ao conxunto. O propio autor di que "todos falan da importancia do amor".

Ademais esta obra trata da importancia da lectura nas nosas vidas e por iso esta chea de referencias literarias. Ao longo dos diferentes contos van aparecendo textos de Neruda, José Angel Valente, Paul Éluard, Paul Auster, entre outros. Esta cuidada edición conta tamén coas ilustracións de Pablo Alaudell. Impresiona a dedicatoria escollida por Fernández Paz, do nobel de literatura Orhan Pamuk e coa que confire unidade aos relatos

"E cando me decato de como imos pasar por este mundo sen deixar rastro despois de levar unhas vidas estúpidas, comprendo con rabia que na vida o único que queda é o amor".

4/10/09

Novo curso no IES Diaz Pardo de Sada!



Ola a todas e todos neste novo curso que comeza e ao que nos incorporamos cunha maleta chea de libros dos que vos iremos contando ao longo destes días. Para comezar queremos saudar especialmente aos máis cativos, aos nosos alumnos de primeiro de ESO que chegan por primeira vez ao noso centro. Para eles temos un agasallo moi especial. Trátase dunha nova entrega de Os Megatoxos de Anxo Fariña, quen ademais virá a visitarnos no mes de decembro para comentar con nós a súa obra.

15/6/09

Clube de lectura "Flor Branca"


Hoxe os alumnos de 2ºESO C falamos do libro ¿Que me queres amor? de Manuel Rivas, concretamente do relato A lingua das bolboretas.

- Eva: O relato foi moi interesante sobre todo porque trataba de asuntos que tiñan que ver coa época da guerra civil, con este tipo de relatos sabemos o que acontecera nesa época.
-Belen: O relato gustoume xa que abrangue acontecementos históricos e tamén porque fala da natureza.
-Selene: A min tamen me gustou, o club foi moi entretido e nunca fixeramos un.
-Raquel: O relato pareceume entretido xa que demostra defender as nosas ideas e cóntanos os sucesos históricos dende outro punto de vista.
-Martín:A min este relato pareceume bo. Pardal,o protagonista conta moi ben os nervios que sentimos todos algunha vez a principio de curso ou en situacions similares.

12/6/09

Clube de lectura: "Noite de voraces sombras"


O mércores pasado fixemos un clube de lectura sobre o libro "Noite de voraces sombras" de Agustín Fernández Paz.
Os alumnos de 4ºB debatimos sobre a opinión persoal de cada un acerca do relato e compartimos diferentes versións de sensacións que nos transmitiu o libro mentras o estabamos a ler.
O tema principal era retratar as sensacións e emocións que tiña a xente que viviu na época da Guerra Civil e o avance da protagonista da adolescencia á madurez.
A profesora, Cristina Asensio, fíxonos cuestións relacionadas con diferentes aspectos do libro e nós respondimos detalladamente.
A actividade durou toda a hora de clase e gustounos moito a experiencia de poder debatir sobre un libro que nos gustou a todos.
Temos a intención de poder repetilo o ano que ven.

Realizado por:
Nerea Barreiro, Sergio Galán, Nerea Vales, Isaac Pérez, Dámaris Rodríguez.

29/5/09

Festa das Letras Galegas


Actuación na Casa da Cultura Pintor LLoréns de Sada, con motivo da Festa das Letras Galegas o día 15 de maio.

PREMIOS VI CERTAME LITERARIO L. VILLALTA



VI Certame Literario Luísa Villalta


O xurado composto por

Pilar Pallarés (escritora)
Juan Manuel del Río (profesor no IES)
Veronica Vázquez (ex alumna, 1º Premio Poesía no V Certame)


Decidiron conceder os seguintes premios


POESÍA


1º premio: Brais Patiño Chao, 3ºESO PDC do IES O Mosteirón

2º premio: Alicia Mariña Correa Asensio, 1ºBach IES Adormideras

3º premio Sabela Rodríguez Cambó, 3º ESO PDC Ies o Mosteirón



RELATO


1º premio: Paula García Mosquera, 1ºBach IES O Mosteirón

2º premio: Natalia Domingo Arijó, 1ºBach IES Cruceiro Baleares

3ºpremio: Elia de Esteban y Maciñeira, 2ºEso CPR Santa Mª do Mar

22/5/09

Inés Cuadrado e a Música da palabra

SEMANA DAS LETRAS GALEGAS

Inés Cuadrado escribindo no libro de sinaturas que temos na biblioteca para que os autores que nos visiten nos deixen as súas opinións, comentarios, dedicatorias... Inés deixounos un fermoso texto onde destaca a importancia da palabra:

"A palabra soñada, a palabra lembrada, as ditas e as caladas, as pensadas... Somos palabra. Estamos feitos de palabras, das nosas e das dos outros"

A semana que dedicamos a celebrar as nosas letras culminou o día 15 de maio cunha grande festa da palabra na Casa da Cultura Pintor LLoréns de Sada. Moitos alumnos e alumnas participaron recitando poesías, cantando, interpretando música... Ademais foi o día en que entregamos os premios do VI Certame literario Luísa Villalta. Inés ofreceunos un espectáculo poético musical "A música da palabra". Manu Clavijo, músico e compositor arxentino, puxo a música que acompañou a Inés na súa dramatización de poemas de diversos autores, desde Rosalía de Castro a Luísa Villalta.

Unhas palabras sobre a autora:

Mª Inés Cuadrado é actriz e profesora de teatro, que se formou nas universidades de diferentes países como Arxentina e Gran Bretaña. Na actualidade dirixe en A Coruña a compañía de espectáculos A xente da palabra.

O recital poètico de Isidro Novo


SEMANA DAS LETRAS GALEGAS

O escritor Isidro Novo realizou un recital poético no que interpretou poemas de autores representativos das etapas da nosa literatura dende as orixes ata o tempo presente . O recital ía acompañado dunha proxección de imaxes relacionadas cos autores escollidos e as súas obras.
Escoitamos entón cantigas medievais de Fernán Esquío, Pero da Ponte; dos autores do Rexurdimento, Rosalía, Pondal... e máis actuais como, Manuel Antonio, Cunqueiro, Luís Pimentel, Antón Avilés de Taramancos, Uxío Novoneyra e Manuel María. Rematou coa lectura dun poema de Fiz Vergara Vilariño, do que trazou un semblanza agarimosa xa que era amigo seu.
Ao finalizar o acto o escritor prometeunos voltar noutra ocasión para celebrar outro recital con poesía actual no que por suposto incluiría os seus poemas.

Isidro Novo naceu en Lugo e el mesmo di que a súa dedicación ás letras vén xa de vello, pois empezou a escribir cando traballaba en cousas que nada tiñan que ver coas literatura:

"De escribrir e rachar papel mentres traballaba en cousas completamente alleas ás letras, pasei pouco a pouco a coller o vicio de gardar"
grazas a iso hoxe ten libros publicados tanto de poesía: DENDE UNHA NADA NÚA, como de narrativa, UN ESCURO RUMOR TRALO SILENCIO, novela longa coa que incorpora a nosa lingua ao xénero de ciencia-ficción tan escasamente cultivado na literatura galega aínda hoxe.

21/5/09

Francisco Pillado e as mulleres literatas



SEMANA DAS LETRAS GALEGAS

Dentro das actividades que organizamos para celebrar a semana das Letras Galegas, contamos o pasado mércores, 13 de maio coa presencia do escritor e editor Francisco Pillado na nosa biblioteca. Pillado pronunciou unha conferencia que tiña como tema a situación da muller escritora ao longo da historia. Partindo da figura de Rosalía de Castro fixo unha reflexión sobre a marxinación histórica da muller na sociedade e o papel que xogou a igrexa dificultando ou mesmo impedindo que esta situación cambiase. O noso escritor centrouse fundamentalmente na figura de Rosalía, loubando o valor e o mérito de ter sido escritora nunha época na que non se aceptaba que unha muller se dedicase a isto, ademais de escribir nunha lingua considerada rústica e non apta para o cultivo literario e que tivo a coraxe de posicionarse a favor dos galegos máis humildes erguendo a pluma en protesta pola situación inxusta e de marxinación que viñan padecendo desde séculos.

C.Asensio

"A charla de Pillado pareceume moi interesante, sobre todo que falara da visión da muller, creo que é algo sobre o que deberiamos reflexionar cada un de nós, e cuestionarnos se as cousas sempre son o que parecen. Moitos quedamos sorprendidos ó ver que escritores coñecidos pensaban iso, e que claro, moitas veces hai mais descoñecido que coñecido. Bueno, para despedirme, copio este poema de Rosalia de Castro pertencente o libro Follas Novas, que penso que reflexa a súa situación :

-Diréivos tan só que os meus cantares,
así sán en confuso da alma miña,
como sai das profundas carballeiras,ó comenzar do día,
rumor que que non se sabe si é rebuldar das brisas,
si son beixos das frores, si agrestes, misteriosas armonías
que neste mundo triste o camiño do ceo buscan perdidas."

(Luciana Galarza de 1º B deixounos este comentario)


19/5/09

¡POLA NOSA LINGUA!


O galego que non fala
Na lingua da súa terra
Non sabe o que ten de seu
Nin é merecente dela.

("Xanelas", Victoriano Taibo)

13/5/09

A narrativa de Xavier Alcalá













SEMANA DAS LETRAS GALEGAS


Hoxe tivemos a honra de recibir a Xavier Alcalá no noso centro. A reunión tivo lugar na biblioteca Luísa Villalta do instituto. Os asistentes fomos os de 1º de Bach, un grupo de profesores e a nosa bibliotecaria Marisa Naveiro (amiga de Xavier desde os tempos da mocidade). O escritor foi excelentemente presentado por catro alunas de 1º, Sabela, Mariel, Laura e Patricia. Durante máis de hora e media Xavier trazou un percorrido pola súa obra, ao tempo que ía falando da súa amizade con Ramón Piñeiro ou con Andrés Dobarro(a quen lle facía letras para os seus temas musicais) e da situación social. Para rematar falounos da súa última obra "Habana Flash, na que dixo que nela emprendía unha nova aventura literaria, xa que nela el "convertíase" en muller:





"Os escritores son como os actores de cine ou de teatro, xa que adoptan un papel, un personaxe e métense nel", dixo o autor.





1/5/09

Oda ó futbolín dos Diplomáticos de Montealto

Que disfrutedes con este temazo de Os Diplomáticos; que cantedes e dancedes (pero non moito por se chove). Por certo, ¿sabedes que é unha oda? (Deixade comentario)

Día das Letras Galegas: Ramón Piñeiro

Propoñemos hoxe que vexades este video titulado Olladas sobre Ramón Piñeiro, o protagonista deste ano nas Letras Galegas. Dura dez minutiños, así que poñédevos cómodos, collede papel e lápiz e aproveitade para aprender algo sobre este personaxe. Desde aquí tamén queremos felicitar aos autores desta cortametraxe e ao actor principal.

26/4/09

Gustavo Pernas Cora e o Día do Libro





O pasado xoves, Día do Libro, tivemos a honra de recibir no noso centro ao escritor, actor, director de teatro, profesor...Gustavo Pernas Cora quen durante máis de unha hora foi definindo as características do teatro ante un variado e inquieto público de ESO. Explicounos que o teatro é arte por encima de todo, tamén é comunicación a través dunha lingua, (no noso caso da galega: "somos fillos deste país e da nosa terra") O teatro presenta emoción, provocación, anarquía, compromiso, maxia e nel sempre está presente a poesía. "O teatro é a nai de tódolos espectáculos", dixo. En relación co ensino, ve fundamental "xogar ao teatro" e recordounos que os gregos usaban esta técnica para aprender. Ademais o teatro ensínanos a relacionármonos e nos descubre o noso talento e axuda a domesticar os nosos instintos por tanto o teatro ESTÁ BEN SEMPRE!
Ademais obsequiounos coa primicia do monólogo, "logomono" que está a preparar na actualidade e no que trata o problema da crise e da proposta peculiar do protagonista que se fai "colgado profesinal" para liberar do problema de colgarse ao resto dos homes. A súa interpretación cautivounos a todos. A estrea desta nova obra de Gustavo será o día 19 de Xuño no Centro de Teatro de Culleredo. O éxito está asegurado. Nós alí estaremos. Boa Sorte, Gustavo!

23/4/09

Día do Libro




Ola bibliomaníacos-as, velaquí un exemplo de como celebramos no IES o Día do Libro:

Entre outras actividades organizamos unha exposición-venta no patio central. Pero houbo máis. Continuará...

13/4/09

Club de lectura A Cova Céltica














O xoves desta semana celebraremos unha nova reunión do noso Club de Lectura. Para esta ocasión escollermos a novela de J. (Jerome) D. (David) Salinger titulada The Catcher in the Rye. Salinger é un escritor norteamericano, nado en New York en 1919. Esta obra é a súa primeira novela e foi traducida ao galego como O vixía no centeo. A novela ten un carácter autobiográfico e está escrita en primeira persoa. O protagonista é un adolescente, Holden Caulfield, que é expulsado do colexio no que estuda e isto dá pé para que nos conte as súas experiencias e a dificil relación co mundo dos adultos.
"Bailei coas tres -todas tres-, unha de cada vez. Unha das feas, Laverne, aínda non bailaba moi mal, pero a outra, a Marty, era o demo. Era coma arrastrar a estatua da Liberdade polo chan. O único xeito de pasalo ben mentres turraba dela era rir un pouco. Así que, díxenlle que mirase a Gary Cooper, o actor, no outro lado da sala.
-¿Onde? -preguntou excitada.
-Ah. Xa se foi. ¿por que non miraches cando cho dixen?
Case parou de bailar e empezou a mirar por riba das cabezas da xente, a ver se aínda estaba.
-¡Que pena! Rompéralle o corazón. De verdade. Sentino por ela. Hai xente da que non se debe un rir, aínda que o merezan. E o máis gracioso foi que cando voltamos á mesa a Marty díxolle ás outras que Gary Cooper acababa de saír. Tío, a Laverne e a Bernice case se suicidan cando oíron tal. Excitáronse moito e preguntáronlle a Marty se ela o vira. E a Marty dixo que un pouquiño, de esguello. Aquilo case tira comigo"
(capítulo X )
Comentarios:
Ola! acabamos de ler a entrada do blog e pareceunos que o libro pode ser interesante. Por iso decidimos asistir ao clube de lectura para coñecer máis acerca del e así animarnos a lelo. Un saúdo.
Mariel e Sabela 1º Bach C.

25/3/09

De Xapón a Galicia




Hoxe pola mañá compartimos un tempo (que soubo a pouco) coa traductora xaponesa Mona Imai. Contounos entre outras cousas as dificultades da tradución da súa lingua á galega. Durante o tempo que durou a tertulia asomámonos como por unha xanela á unha cultura que ata hai pouco era moi lonxana para nós; autores,temas, sentimentos, gustos, modo de vivir, relixión, gastronomía ... afinidades e diferencias foron aparecendo da man de Mona, durante unha hora e media escasa que durou e que nos pareceu un instante.
Acabamos esta nova cun misterio, pois o mellor de todo foi "o postre".
Continuará a vindeira semana.

24/3/09

Tertulia con Mona Imai




O mércores 25 de marzo estará con nós no instituto a traductora Mona Imai, para comentar Kitchen a novela da escritora xaponesa Banana Yoshimoto, da que ela fixo a versión en galego. Ademais deste traballo, Imai tamén ten traducido obras de outros novelistas xaponeses como Kawabata e Murakami. Precisamente a obra de Haruki Murakami Do que estou a falar cando falo de correr foi presentada recentemente en Santiago e o propio autor estivo presente no acto. A traducción tamén foi realizada pola nosa protagonista.

28/2/09

A Voar, a nosa revista


A VOAR
"Toda unha honra que a miña foto sexa a publicada na portada da revista. Para conseguila foi moi importante a beleza e misterio das Brañas de Sada protagonistas do concurso e da foto. Tamén é moi importante o labor que fan alumnos e profes na revista para que saia tódolos anos aínda que non se vendan as unidades previstas (preocupación de Marisa). A revista xa da, desde o seu título, o reflexo d imaxinación e inocencia coa que se elabora.Así que, que nunca se deixe de publicar! Un agarimoso saúdo." Andy (2ºBach)

As que vemos na fotografía da dereita son Bárbara Daudé e Ruth Barral (1ºBach A) presentándonos un novo número da revista A Voar. Destacaremos que nesta edición incorporamos unha sección nova, "Canle", de creación literaria e artística, en lembranza daquela outra revista que dirixira a escritora, que foi profesora neste centro, Luísa Villalta. Outra novidade é que este ano a maquetación fixérona os alumnos de TIC de 1º bach A. Esperamos como sempre a vosa colaboración para os vindeiros números.